Icitendekelo 6
6
Ububifi bwafulisha pesonde
1Ilyo abantu batendeke ukulafula pesonde, kabili balafyala na bana abanakashi, 2abana baume bakwa Lesa#6:2 Abana baume bakwa Lesa: Bamo batila (i) ni bamalaika, Yobo 1:6; 2:1 na Yuda 1:6, (ii) Bambi batila, bamwana Seti. bamona ukuti abana banakashi aba bantu bali abayemba. Kanshi epakulaupa onse uo umwine alefwaya. 3Elyo Yawe atile, “Umupashi wandi tauli nakubelelela ukucushanya no muntu pantu mwinakufwa. Umuntu inshiku shakwe shili nokubafye imyaka umwanda umo na makumi yabili (120).” 4#Imp 13:33Banefilimu#6:4 Banefilimu: Bali abantu abamaka nganshi kabili amalamba ya bantu. Imp 13:31-33. bali pesonde mu nshiku shilya elyo na panuma ilyo abana baume bakwa Lesa baleupa abana abanakashi ba bantu kabili bafyalamo na bana. Bali ni mpalume sha pakale, abantu abalumbwike nganshi.
5 #
Mateo 24:37; Luka 17:26; 1 Pet 3:20 Yawe amona ukuti bwafulisha ububi bwa muntu pano isonde, elyo ne mitontonkanishishe mu mutima wakwe nayo ilolelefye lyonse ku bubi. 6Yawe alanguluka pali ico abumbile umuntu pesonde, no mutima wakwe wakalipa. 7Elyo Yawe asosa ati, “Ndi nokulofya ukufuma pano isonde umuntu uo nabumbile pamo pene ne nama, ifikulaika pa mushili ne fyuni fya mu lwelele. Pantu ninanguluka pakufibumba.” 8Lelo Noa asanga ukusekelelwa pa cinso cakwa Yawe.
Noa apanga icibwato
9 #
2 Pet 2:5
Ubu e butantiko bwa lupwa lwakwa Noa.
Noa ali umuntu umololoke, uwakaele pa bantu ba pali ilya nshita, kabili aleenda na Lesa. 10Noa ali na bana abaume batatu, Shemu, Hamu na Yafeti. 11Nomba isonde lyalubana pa cinso cakwa Lesa kabili pesonde paiswilefye icimfulunganya. 12Lesa amona ifyo isonde lyalubana, pantu abantu bonse pesonde balubana mu mibeele yabo.
13Kanshi Lesa epakweba Noa ati, “Ine nalaonaula abantu bonse, pantu isonde liswilemo icimfulunganya pa mulandu wabo. Icine cine ndebonaula bonse pamo ne sonde line. 14Iwe uipangile icibwato ica mbao isha miti iyakosa iya saipulasi. Mukati ka cibwato upangemo imiputule. Elyo ushingule amanenekela mukati na kunse ya cibwato. 15Ifi efyo uli nokupanga icibwato. Cili nokuba amakubiti imyanda itatu (300)#6:15 amakubiti 300: Ekutila bamita umwanda umo amakumi yatatu na batatu (133m). mubutali, mubufumo mwena amakubiti amakumi yasano (50)#6:15 amakubiti 50: Ekutila bamita amakumi yabili na babili (22m). elyo mukusumbuka namo amakubiti amakumi yatatu (30).#6:15 amakubiti 30: Ekutila bamita ikumi limo na batatu (13m). 16Ukapangilepo umutenge pa cibwato. Elyo mupepi no mutenge ukashemo insolokoto iyilepele kubiti umo#6:16 kubiti umo: Ekutila citika wa mita (0.5m). ukushinguluka ubwato. Umwinshi ukaubike mu mbali ya cibwato. Ukapange icibwato ica fiputulwa fitatu ifyatuntikana, cimo panshi, cimo pakati elyo na cimo pamulu. 17Nalaleta ilyeshi pano isonde kukonaula conse icabumi pesamba lya mulu, conse icibumbwa icipema. Icintu conse pesonde cikaloba. 18Nomba iwe nkapangana nobe icipangano candi. Iwe uli nokwingila mu cibwato pamo na bana bobe abaume, umukashi obe na bakashi ba bana bobe. 19Uli nokwingisha mu cibwato ifyabumi fyonse fibili fibili, icilume ne cikota, pakuti ukafisunge ifituntulu. 20Fibili pa misango yonse iya fyuni, fibili pa misango yonse iya nama elyo na fibili fibili pa fibumbwa ifikulaika pa mushili fikesa kuli iwe, uli nokufisenda mu cibwato pakuti fikekale ifituntulu. 21Ukasende imisango yonse iya fyakulya fyonse ifili nokuliwa, ukafitutile nge fyakulya fyenu elyo nefyo mukaba nafyo.” 22#Bahi 11:7Noa epakucita fyonse ifyo Lesa amukonkomeshe.
Atualmente selecionado:
Icitendekelo 6: ILL15
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bible Society of Zambia