LUK 13
13
Kem kama kito nrek katu mak-kii tai katu
1Sateichii Galili kito kaleimei- nii Saraago mah kat leibang- pii, Pailatnii ahnyiigo gi kalei kaang kito Jisu dakii tam kaleimei kangkii teitinglang ki sektei leile. 2Sateichii mpounii ahnyiigo khekalatle, “Galili kito kaleimei ainii kamage ai dou kalei aijangpiinii, Galili kito kaleimei hang doito ahnyiinii kisii kem kama katiimei lesii gonyiinii maning leipo? 3Inii gonyii dakii tam leile, makle, nlenii gonyiinii lung kali sulepo- chiinii, tei takumpiinii gonyii hangdo gatu tangle. 4Sateichii Silom sazyii kito kalei alaangki teinii koumangsii gi kalei mei keariisiisiisat nkhii tei Jerosalem kito kalei meihang doito kisii kashyii jangpiinii lesii gonyiinii maning leipo? 5Inii gonyii dakii tam lei le, makle, nlenii gonyiinii lung kalisu lepochiinii, tei takumpiinii gonyii hangdo gatu tangle.”
Ti mati kasu kadiitbang mah ndasam
6Sateichii mpounii ndasam ai tamle, “Mei hangninii mah Darkhati luki kadiitbang hangninii lingkai bamle, sateichii mpounii teiki tei riiti fiigongkii dousu takle. 7Teito mpounii riiti lu kajupii dakii tamle, ‘Julo, tingkum tum katang Inii kadiitbang aiki ai ti fiigongkii doumakle, ai bikoulo, ainii dajangpii sazyii tiimagasii mbam tangpo?’ 8Teito ahnii mpou dakii khekalatle, Madhiikapyiipii, ‘ai ai tingkumdo mbam bamlo, Inii pibang tiimateisii riiba kaijule, 9kadiitbang ainii nchoi- kum ti matitu lepochiinii bitakle; nlenii ti mati sulepochiinii, nangnii bitoilo.’ ”
Jisunii sapwimei hangniniigo tii mbi kapyii
10Aitoinii Jisunii Jehudimei mah ndwiki hangninii kito ntak piinei leimik ralipyiitu takle. 11Sateichii julo, tingkum keariisiisiisat nkhii kashyii rangiinii tii kamagesii pum n-guisii mpoupei roinapii ntaapeiwo kalak sapwimei hangninii leile. 12Sateichii Jisunii mpoupeigo ngouwo sek-kii, mpoupeigo lat tosii tamle, “Sapwi mpei, gomah mage kiteito n-go mpatpyii takle.” 13Sateichii mpounii mpoupei phyiiryiikii mpou bah poi- kai pyii sek-kii, tei tinglang sek-kii mpoupeinii ntaa majyiitok wotakle, teito mpoupeinii Saraago toile.
14Nlenii Jehudimei mah ndwiki teito kadipii teinii Jisunii ntak piinei leimik ra kani tii mbi kapyii jang- teipii samou supiinii meimoi dakii tamle, “Meinahnii tha tiitang karam leimik saruk leile, teijangpiinii teitinglang hang kikii rakani meigo ra tii mbitang karam jangpii gonglo, ntak piinei leimik kitei gong sulo.”
15Nlenii Abangpiinii mpougo khekalatle, “Kabijai katiimei, gonyii hangnii ntak piinei leimik ki mpou mpou mah twom mak-kii mpou mpou mah takoi tei kakui nito hek mpat tosii, chyiipat dwi pyiisak leimakpo? 16Julo, sara kashyiinii tingkum keariisiisiisat nkhii peinei kabam Abraham nah sapwi mpei aigonii, ntak piinei leimik kito laat mpatpyii kajyii makpo?” 17Sateichii samhang ai tamsanii, mpougo mazhii kasumei hang go tii-nroupyii takle; sateikii mpounii tiikapyii kamadat tha kadi hang jangpii meihangnii nta takle.
Njang gaiti lwirougo tam ka-ndasam
(Met 13.31-32; Mrk 4.30-32)
18Teijangpiinii mpounii tamle, “Saraamah Sating Sazyii tei kadago reipo? Sateikii Inii kadapeipii poi ka-nda tangpo? 19Mei hangninanii, njang gaiti lwirou poisii mpou toipyii kikii maroukai kabam njang gaiti lwirou hangninii takumle; sateichii teitei pokpat tosii ruibang takumpii dipat takle, sateichii mpou kha hangkikii sating gam ruinah hangnii mathiit chyiile.”
Aheego tam ka-ndasam
(Met 13.33)
20Sateichii nlailoisii mpounii tamle, “Saraamah sating sazyii gotei Inii kadapeipii tam ka-nda tangpo? 21Teiteinii, sapwimei hangninanii ahee chingniikii poisii atoknui koktok rekdai kikii ryii njasii toupat mbi kasuta poisii kai kalei ahee tei takumle.”
Takam kamarum
(Met 7.13-14, 21-23)
22Sateichii mpounii nam namki sateichii namdi namdiki tatgong rali- pyiisii mpounii Jerosalem lampang tat tutakle; 23tei tinglang kak mei hangninanii mpou dakii tamle, “Bangpii keikapyii doutang karam ai mei chingniikii roitangpo?”
Teito mpounii ahnyii dakii tamle, 24“Ki takam kamarumki teito tatliit tang karam jangpii tiigat tolo, kadapochiinii Inii gonyii dakii tam leile, mei hangkanii teiki tatliit tang karam jangpii tiitangle, nlenii liitpei lakle. 25Ki Apumpiinii gungtusii ki tei takam sekchii, gonyiinii ki kajangto satsanii ki takam kakhiisii aitiisii tam tangle, ‘Bangpii nyiigo takam laatpyiilo.’ Sateichii mpounii gonyiigo khekalat tangle, ‘kada kito gong leipo Inii gonyiigo timakle.’ 26Tei tinglang kak gonyiinii tam tangle, ‘nyiinii godoito chiisii saksii leile sateichii nangnii nyiimah pwidi pwidito ralipyiile.’ 27Mpounii tam tangle, ‘Inii gonyii dakii tam leile, gonyii kada tuitopo I-timakle; gudato tat tulo, kashyii tha katii meihang!’ 28Gonyiinii Abraham, Isak, Jakob sateichii Saraamah Lungkakalingmei hang go Saraamah sating sazyiiki kabam, sateichii gonyii gonii sabakii rat katoi tei ngou wosekchii, teibam kiteito hatsii ghii kagetrum rumsii bam tangle. 29Sateichii meihang tei leimik kapat lamto, leimik kaliit lamto, longryii lamto ninado lamka lamto gongsii Saraa mah sating sazyii bam kitei bam tangle. 30Sateichii julo, aitoi kanamei teinii reitu tangle, sateichii aitoi kareimei teinii natu tangle.”
Jerosalem mei jangpii Jisunii lungkasyii
(Met 23.37-39)
31Teiki tinglang sek-kii Kabijai katiimei kangkii Jisuda gongsii mpougo tamle, “Bam aikito tatpat tosii tat tulo, kadapochiinii Herotnii n-go ginyiisii bam takle.”
32Jisunii ahnyii dakii tamle, “Gonyiinii maasii saramii kounah dateikii tamlo, ‘julo, tingneido supou- neido Inii sara kashyii hang go baatoile, sateichii ra kanimei hang go tii mbipyiile; sateichii leimik hang- tum piinei Inii gutha tiimashang tangle. 33Teitii kido tingneido supouneido sateichii ndoupouneido, Lungkakalingpii goteinii Jerosalem kito supii sabato tiimagatoi kajyii makle.’
34“Lungkakalingmeigo kagi satei- chii gonyii dakii langkai kapyiimeigo kuitupii karot, Oh Jerosalem! Rui- pwinii mpou nahgo kashii kangkii gom kalei takumpiinii, Inii gonah meigo Kadaziikapii gompyii nyiisii leikido gonyiinii mazhii pyii makle. 35Julo, gonyii mah Saraa kamaning ki tei tiimarong takle, sateichii Inii gonyii dakii tam leile, ‘Bangpii zei kito kagongpii tei doibilesii tam kasuta gonyiinii n-gu ngou lakle!’ ”
Atualmente selecionado:
LUK 13: NAG2
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Maram Naga, KARANU KABI SAMTAM © Bible Society of India, 2007.