LUK 11
11
Kariita mah kaang kito Jisunii rali kapyii
(Met 6.9-13; 7.7-11)
1Tingneikii Jisunii bam hang- ninii kito riitasii bamle, mpounii riita sang sek-kii, mpou boumei hangninanii mpou dakii tamle, “Bangpii, Jon-nii mpou boumeigo rali kapyii takumpiinii, riita tang karam nyiigo ralipyiilo.” 2Jisunii ahnyii dakii tamle,
“Gonyiinii kariita kak, ai tamlo:
He Pfii-o, go zei kamatei tei matulo.
Gomah sating sazyii gong matulo.
3Tingnei tingneikii mah chiitak tei nyiigo pyiiseilo;
4sateichii nyii kem kama hangtei maga seilo,
nyiidakii kama katiimeigo nyiinii maga kapyii takumpii,
sateichii nyiigo kahem kitei maliitsei sulo.”
5Sateichii mpounii ahnyii dakii tamle, “Gonyii kak kito tanii mpou kangmei hangniniida tinghum sum- kii maasiinii, ‘Kangpo-o, n-gu tiirok pangtum siipoklo, 6Kadapochiinii gu kangmei hangninii mbui gongsii guda rhiiziile, teipiinii Inii mpougo pyiichii tang karam mah kado gatak lesii katam kak;’ 7Sateichii ki lung teito mei teinii, ‘n-gu tii tingkhii sulo, aitoinii ki takam takle, sateichii gunahmei nei I kaswisii zyiigam zyii takle; Inii gungtusii n-go mah kado pyiipeilak takle, sii khekalatpyii tangpo’? 8Inii gonyii dakii tam leile, Ahnii mpou kangpii kido gungtusii mpougo pyiirou takle, nlenii mpounii nrou supii nlai nlailoisii kakhang jangpii mpounii gungtusii ahnii kakhang hangtei pyiitangle.
9“Teijangpiinii Inii gonyiigo tam leile, khanglo, gonyii dakii pyiitangle; fiilo, gonyiinii doutangle; kakhiilo, gonyii dakii laatpyii tangle. 10Kadapochiinii kakhangmei hang- teinii doutangle; kafiimei hangteinii ngoutangle, sateichii kikam kakhiisii kaleimei hang dakii laatpyii tangle. 11Sateichii gonyii kakto tapii pfiinii mpou nah sapfii mpounii tiirok khangchii sanhii pyiitangpo? 12Makkii mpounii rui madui kangdinchii, mpougo aga-nrek pyii tangpo? 13Teijangpiinii gonyiinii shyiisii leikido, gonyii nahmei mah kabi tei pyiiti lepochiinii, sating gamto kalei gonyii Pfii teinii khangsii kalei ahnyii dakii kadaziikii kisii rangii kamatei tei pyiitangpo!”
Jisu sateichii Beelzabul
(Met 12.22-30; Mrk 3.20-27)
14Jisunii alat pat kasu sara kashyii gotei baatoi pyiile, sateichii sara kashyii teinii patto sek-kii, lat kagapii teinii lat pat takle; sateichii meimoi teinii hangkapii sung gatakle. 15Sateichii ahnyii mei kangkanii tamle, “Mpounii sara kashyii mah phyii kasat Beelzabul mah teimaham kito sara kashyii hang go baatoi pyiile.”
16Sateichii mei kakimei teinii Jisugo jai jusanii sating gamto kamadat tiikamangou hangninii mpou dato khangle. 17Mpounii ahnyii mah kamaning lungswi tei tiwosii, ahnyii dakii tamle, “Sagong Sazyii kata hangninanii njaipak siinii, Sagong sazyii hangniniigo saryii tiileponii bam mathang lakle; sateichii mpung hangninii lung aito njaipaksii n-gitu lepochiinii meikang nkangtu tangle. 18Teipiinii seitan niido mpoumei kakto njaipak aileponii, mpoumah Sazyii tei kada takumpiinii satto tangpo? Kadaponii Inii Beelzabul mah teimaham kito sara kashyiigo baatoi pyii lesii gonyiinii tamle. 19Inii Beelzabul mah teimaham kito sara kashyiigo baatoi leponii, gonyii nah sapfiimei teinii tamah teimaham kito ahnyiinii baatoi wopo? Teijangpiinii ahnyiinii gonyii mah samtak katiimei tiitangle. 20Nlenii Saraa mah bah jungna mah tiikaha kito sara kashyiigo baatoi lepochiinii, Saraa mah Sating sazyii tei gonyiida gongtakle.
21“Mei katei kakhangmei hang- ninanii saryii beitui kai mashangsii mpouki koi kalei kiteinii, mpou mah hangtei maga supiinii bamle; 22Nlenii mpou sung kisii katei kakhangmei hangninii gong siinii mpougo ngamwo sek-kii mpounii maning makangsii kalei saryii kokryii tei mpou dato sao poitule; sateichii mpou mah sao kalutei njaile.
23“N-gu kaswi kasumei teinii n-gu mazhii kasumeile, sateichii n-gu kaswisii poi nkom kasumei teinii marou maruk tule.
Sara kashyiinii nlai kagong
(Met 12.43-45)
24“Sara kashyii teinii mei dato tatpat tosek-kii ntakbam fiisii dwi kaga bamki roitatsii bamle; sateikii samah kado dousu sek-kii, mpounii mpou roinapii tamle, ‘Inii tat kapat guki tei nlailiit loi kai tule.’ 25Sateichii mpounii nlaigong sek-kii, bek matei sageisii kai kabam tei ngoule. 26Tei tinglangki mpounii maasii mpou sung kisii rangii kashyii kaki sana pang gong siinii, ahnyiinii liit tosii bamwo takle, sateichii mei teipou lungtei sara kashyii kaki teinii liit kajawo sek-kii, Ah tei sung kareiki sung shyiisang shyiitakle.”
Kasang ka-nta
27Sateichii Jisunii ai tam lei- bangpii, mei moi kak kito sapwimei hangninanii rok sagoisii saasii mpougo tamle, “N-go ka-mpungpei tei doibile sateichii nangnii rana kasakpei tei doibile!”
28Nlenii Jisunii tamle, “Nle, teitii kido Saraa mah samtam tei shii wosii swikalu mei teinii doibile!”
Kamadat hangninii tii mangou losii kakhang
(Met 12.38-42)
29Sateichii meimoipii mpougo bang maguiwo sek-kii, mpounii tam tutakle, “Aiha ai kashyii kahong hale: ahnyiinii tii kamangou kama- dat hangninii khangle, nlenii Jonah mah kamadat tii kamangou tei supiinii, ahnyiigo hangninii kado pyii lakle. 30Lungkakaling Jonahnii Niniva kito kaleimeigo tii kamangou siiti hangninii takumpii Meinah Sapfii mpou teinii mei aiha aigo kamadat tii kamangou hangninii tiitangle. 31Lamka lam pang mah sagong nou teinii samtak katii piinei tusatsii mei aiha aigo ma lesii tam tangle; kadapochiinii mpoupeinii sazyii nlaito tatpatsii sagong Solo- mon mah swirek kabi gotei shiilesii gongle, sateichii julo, Solomon sung dikaki hangninii aiki leile. 32Niniva meinii samtak katii piinei mei aiha aigo kaswisii tusatsanii, ahnyiigo ma- lesii tam tangle; dapochiinii Jonahnii kabi rasam katam kak ahnyiinii lung kali wole, sateichii julo, aiki Jonah sung dikaki hangninii leile.
Pum mah kava
(Met 5.15; 6.22-23)
33“Mei kaniido thaomi maseisii kabai leimakle, mak-kii razyii kang- kii kai leimakle. Nlenii lung tat kaliit meinii kava tei ngouwo kabui jangpii thaomi tei thaomi kadung gamkii kai leile. 34Gomah pum mah thaomi teinii mik teile; go mikjot tei kasang sekchii, gopum hangteido kavapii tokryii tangle. Nlenii go mikjot tei kasang susekchii, gopum hangteido kamyiipii tokryii tangle. 35Teijang- piinii godato kalei kava tei kamyiiki liit kasu tiisii sakai wolo. 36Gopum mah njai hangninii kado kamyiiki maliit supiinii, gopum hangtei kavapii tokryiisii leileponii, thaomi teinii ah mah kava teipii n-go vakapyii takum- piinii, gopum hangtei vatangle.”
Ojameigo Jisunii rali kapyii
(Met 23.1-36; Mrk 12.38-40)
37Sateichii Jisunii sam tam lei- bangpii, kabijai katiimei hangninanii Jisugo mah chii njoitang karam jangpii latle, teito Jisunii mah chii njoitang karam jangpiinii gongsii bam takle. 38Sateichii mpounii mah chii kasunii bah baitek kasu tei Kabijai katiipii teinii ngou wosii sung gatakle. 39Teijangpiinii Jisunii mpou dakii tamle, “Aitoi kabijai katiimei- nanii peek, kokpou tei shyii mateile. Nlenii gonyii lungtonii kathaam karaampii sateichii kashyiipiinii tokryiile. 40Gonyii kapangmei, pou- lam tiikapyiipii teinii lunglam teido tiipyii makde? 41Nlenii gonyii peek kok lungto kalei mah tei kagameigo pyii ailo, sateichii julo, mahlyiihang tei gonyii jangpii mateile.
42“Nlenii kabijai tiisii kaleimei gonyiii jangpii kamagele! Kadapo- chiinii gonyiinii Kabihiilii nei takpa nhii sateichii sagei ralui hang mah njai kearii kito njaikii Saraago katsanii kasang sateichii Saraa mah Lungkasyiinii toi aitakle; aihang ai gonyiinii tiitang karamle; kaki hang gotei toisupiinii.
43“Gonyii kabijai katiimei jangpii kamagele! Kadapodinchii gonyiinii Jehudimei mah ndwi kito bam kabi bisang tei maraile sateichii saliki- jang bam hang kito gonyiigo meinii kamata tei gonyiinii maraile. 44Gonyii jangpii kamagele! dapo- chiinii gonyiinii ngou kasu roubam takumle, sateichii teiphyiiryiito tatsii tatsii meinii teitei timakle.”
45Sateichii ajaitingshang kati ojamei hangninanii mpougo kheka- latle, “Madhiikapyiipii, ai tam kalei kito nangnii nyiigo ju tii nrou takle.”
46Teito mpounii tamle, “Gonyii ajaitingshang katimei jangpiiniido kamagele! Kadapochiinii pungpei kalak pot kamaswi tei gonyiinii meigo pung matule, sateichii gonyiinii pot kamaswi tei gonyii bah jungna hangninii piiniido deng- makle. 47Gonyii jangpii kamagele! Kadapochiinii gonyii peipao meinii gi kalei Lungkakalingmei mah roubam tei gonyiinii tiile. 48Aitiisii gonyiinii sakchyiile sateichii gonyii peipaomei mah tha tei gonyiinii mazhiipyii lahok takle; kadapochiinii gonyii peipao meinii ahnyiigo gile, sateichii gonyiinii ahnyii mah roubam tiile. 49Teijangpiinii Saraa mah swirek kabi teinado tamle, Inii ahnyii dakii gu mah lungkakalingmei ninado tiilamlwi kapyiimeigo langkai pyii- tangle, sateichii ahnyiinii ahnyii mei chengniikii gonii gitoi tangle sateichii kangkiigo kaset kalak pyiitangle; 50katunii Abel mah zai sekto, rakuibam sateichii kamatei bam kak kito gitoi kalei Zakaria mah zai katang, 51Sazyii pouryii tii mpat karei sekto Lungkakalingmei hang mah zai sak kalu tei mei aiha kito tokryii matu tang karam jangpiile. Nle, Inii gonyii dakii tam leile, mei ai-ha kito tokryii tangle.
52“Gonyii ajaitingshang katimei jangpiinii kamagele! Kadapochiinii swirek kati mah chabyii tei gonyiinii poitoi takle; gonyii pum katangpiinii liit sutakle sateichii teiki liit tang karam meigodo gonyiinii namwo takle.”
53Mpounii teikito tat tusek-kii, ka- bijai katiimei ninado Ajaitingshang kati ojamei teinii mpougo hangkapii tam mashyiisanii sam hangkii kachyii nhiile, 54Mpounii tam kama shoisii, mpougo jumwo kabui jangpii.
Atualmente selecionado:
LUK 11: NAG2
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Maram Naga, KARANU KABI SAMTAM © Bible Society of India, 2007.