Versículos bíblicos populares de Jon 15

Partilhar

“Ni waingö ipŋi akiga eŋön miaŋgö böröŋi akze. Iŋini nömosöta nanŋinök kinda yuai kun akingö osime. Miaŋgöra kunŋan nömbuk qekötahöba kiniga nöŋön yambuk qekötahöba kinbiga yaŋön mönö ahakmemegö ölŋi önöŋi qahö miwikŋaiba siriba malma.

Miaŋgöra eŋön mönö nömbuk qekötahöba kinme. Mewö kingetka nöŋön embuk kinmam. Wain böröŋi kunŋan ip kembaŋe qahö tata tala etza ewö, mi mönö nanŋi nam köl aŋguba ölŋi ahum waŋgimapkö osima. Miaŋgö dop iŋini mewöŋanök nömbuk qahö qekötahöba kinje ewö, mönö nanŋinök ahakmemegö ölŋi öne ahum waŋgibingö osime.

“Yeŋön jememö, likepŋi iŋini mönö nömbuk qekötahöba kinme. Mewö kingetka nöŋgö Buŋa keunan eŋgö uruŋine qekötahöba kinja ewö, iŋini i me wai buŋa qem aŋgubingö mötzei, mi mönö Iwi köuluköm waŋgigetka eŋgima.

“O alaurupni, eŋön ni qahö möwölöhöm niŋgigetmö, nöŋön iŋini möwölöhöba kuŋgum eŋgibiga kinje. Miaŋgöra eŋön liliköba anda ölŋi kewö miwikŋaiba pöndaŋ sirigetka ahöahöŋi ahi dop kölma: Nöŋgö qetni qeta yuai mi me mi miaŋgöra Iwi köulukömei, mi mönö eŋgii buŋaŋini akŋa.

Kunŋan alaurupŋi yeŋgöra aka nanŋi malmalŋi tököba mosötmawi, miaŋön mönö urukalem öŋgöŋgöŋi ketaŋi akza. Kunŋan mi oŋgita jöpaköm eŋgimamgö osima. Urukalem tosatŋi mi miaŋgö eretŋi.

Nöŋön ip ewö qak börönambuk akzal. Ip böröni pakpak ölŋini qahö miwikŋaiba gilipitŋi akzei, Iwinan mi kutum gil eŋgima. Ip böröni pakpak nöŋgöreŋ tatketka ölŋini ahum sirizei, Iwinan mi mönö köl könjörat eŋgima. Ahakmemegö ölŋi qarim kuwulem sehisehiŋi miwikŋaimegöra mönö mem solanim eŋgima.

Nöŋgöreŋ Köna keu mi kewö: Nöŋön uru jöpaköm eŋgiba malali, iŋini mönö miaŋgö dop nanŋini jöpaköm aŋguba malme.

Iŋini nöŋgö gwarekurupni aka kingetka ahakmemeŋinaŋgö ölŋi önöŋi qahö ahuba eta tatketka malme. Mewö memba malgeraŋgöra Iwinaŋgö qetŋan mönö aködamunŋambuk aka ahöma.

Jisösnöŋ gwarek yeŋgöra kewö jiyök, “Nöŋön wain ip öl sorokŋi akiga nöŋgö Iwinan wain nupkö toŋi akza.

Denike yeŋön nömbuk qahö qekötahöba kinje ewö, wain ip toŋan mönö i ip böröŋi ewö kutum eŋgiba gili yaigep anme. Anda soholigetka memba tokoba könöpnöŋ gili geba jeme.

“Nöŋön uru sösöŋgai al eŋgibi eŋgöreŋ kutuiga uruŋini kokolak qei ahöiga önöŋi qahö söŋgaim sehiba malmegöra keu mi jibi mötze.

Nöŋön Iwinaŋgöreŋ jöjöpaŋ keu tem köla mala kota yaŋgö urukalem uruŋe kinjal. Miaŋgö dop eŋön nöŋgö jöjöpaŋ keuni memba tem köla malme ewö, mönö ölöp nöŋgö urukalem uruŋe kingetka jöpaköm eŋgiba malmam.

Iŋini mönö sutŋine jöpaköm aŋguba malme. Nöŋön jöjöpaŋ keuni mewö jim kutum eŋgizal.” Mewö.

Iŋini urumeleŋgö kopa kambunöŋ malbeak ewö, kambu-urup mieŋön mönö nanŋini alaurupŋini urukalem ak eŋgibeak. Mi ak eŋgibeakmö, nöŋön iŋini möwölöhöba yeŋgö areŋnöhök eŋgömembiga murutŋi aka malje. Yeŋgöreŋ ahakmeme bölöŋi mi andö qeba maljeaŋgöra aka kazik ak eŋgimakze.