Versículos bíblicos populares de Jon 14

Partilhar

“Nöŋön luai eŋgizal. Nane luai sorokni qainŋi kun mi albi uruŋine ahöma. Gölmenöŋ ambazip yeŋön luai qem aŋgumakzei, nöŋön miaŋgö tandök ewö kude qem eŋgimakzalmö, mi oŋgita luai qainŋi kun eŋgimakŋam. Miaŋgöra uruŋinan mönö wösöbirik kude aka keŋgötŋini kude möta malme.

Mi möta kewö jii mörök, “Nöŋön Köna akzal. Nöŋön Keu ölŋi aka Malmal köhöikŋi akzal. Kunŋan Iwigöreŋ aŋgotmamgö möta nöŋgöreŋ kama ewö, yaŋön mönö köna miwikŋaima. Köna murutŋi kun qahö ahöza.

“Uruŋinan mönö waimanjat kude möta wösöbirik kude aka malme! Mönö Anutu möt narime aka ni mohok möt narim niŋgiba malme!

Mewö malalmö, Iwinöŋ Uŋa Töröŋi nöŋgö qetne melaiiga eta nam köiput (aka tinjonjoŋ) Toŋini akŋa. Yaŋön keu pakpak kusum eŋgiba nöŋön qambaŋ keu pakpak eŋgiali, mi ölum eŋgubapuköra köl gulim eŋgimakŋa.

“Kunŋan nani jöjöpaŋ keuni pakpak möt aŋgön köla tem kölakzawi, yaŋön mönö uruŋan ni jöpaköm niŋgimakza. Kunŋan ni jöpaköm niŋgiiga nöŋgö Iwinan mönö i jöpaköm waŋgimakza aka nöŋön i jöpaköm waŋgimakzal. Nöŋön i jöpaköba könaŋamni indel waŋgibiga möt kutuma.”

“Nöŋön Iwi köuluköm waŋgibiga yaŋön nam köiput Toŋi kun eŋgiiga eta nöŋgö salupni aka teteköŋi qahö embuk mal öŋgöma. Nam köiput Toŋi mi Uŋa Töröŋi. Yaŋön keu ölŋaŋgö Toŋi akza. Uruŋini qahö meleŋget yeŋön i qahö ek kutuba qahö möt waŋgize. Miaŋgöra yeŋön i köl öröba möt aŋgön kölbingö osimakzemö, Uŋa yaŋön lök embuk malja aka könaŋgep uruŋine geba embuk kinma. Miaŋgöra i kiana qahöpmö, i ölöp möt kutum waŋgize.

“Iwinan nöŋgöra aka qetbuŋaŋambuk akŋapkö mötzal. Miaŋgöra aka Iŋini nöŋgö qetne wani yuaigöra köulukömei, nöŋön mönö mi akŋam. Mewö akigun miaŋön Iwinaŋgö qetbuŋaŋi jigetka qarimakŋa. Iŋini yuai kungöra nöŋgö qetne köuluköba qesim niŋgime ewö, nöŋön mönö mi akŋam.

Iŋini uruŋinan jöpaköm niŋgimakze ewö, mönö nöŋgö jöjöpaŋ keuni tem köla wuataŋgöba malme.” Mewö.

Nöŋgö Iwinaŋgö miri bohonŋe miri uruŋi sehisehiŋi ahöze. Mi qahö ahöbeak ewö, mönö eŋgöra keu kewö jibileŋak: Nöŋön mönö miaŋgöreŋ öŋgöba eŋgö dum miri mem möhamgömam.

“Nöŋön mutuk anda öŋgöba eŋgö dum miriŋini mem möhamgömam-mö, nöŋön miri malmami, iŋini mewöyök nömbuk miaŋgöreŋ mohotŋe malbingö sihimŋi mötzal. Miaŋgöra nöŋön mönö kunbuk liliŋgöba kaba eŋguaŋgitpiga euyaŋgöreŋ öŋgöme.

Jisösnöŋ mewö jiiga gwarek qetŋi Tomas yaŋön kewö jiyök, “O Kembu, gi miri denike anmani, nini mi qahö mötzin. Miaŋgöra miaŋgö könaŋi mi mönö denöwö möt kutubinak?”