Versículos bíblicos populares de SAN MATEO 26

Partilhar

Imapish mana alli yuyaicuna ama japichunca, riccharishpa Taita Diosman mañacuichic. Cancunapac shungu alli yuyaita charicpipish, cancunapac cuerpoca shaicunllami— nirca.

Chaimantami Jesusca: —Ñuca shungupica, huañuna nanaihuan shinami munai llaquiricuni. Cancunaca ñuca shinallatac, ama suiñushpa caillapi chaparacuichic— nirca.

Shina nishpaca, Jesusca ashata chainicman rishpami pambapi tuparicta cumurishpa, Taita Diosman mañashpaca: —Ñuca Taitalla, ima shinamanta cai jayacta ubiana shina llaquicunata ñuca mana apana cacpica, jarcaiyari. Shina cacpipish ama ñuca munashcata ruhuaichu, ashtahuanpish can munashcata ruhuai— nirca.

Cai vaso vinoca, achcacunapac juchacunata perdonashpa quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

Chashna micucushpami, Jesusca tandata japishpa Taita Diosta pagui nishpa chaupishpa, chaupishpa yachacuccunaman cushpa: —Japichic, micuichic. Caica ñuca aichami— nirca.

Shinallatac vino vasota japishpapish, Taita Diosta pagui nishpa yachacuccunaman cucushpaca: —Cai vasomanta tucuilla ubiaichic.

Jesús chashna mañashca q'uipa, yachacuccunapacman cutimushpaca, paicuna suiñucucpimi tuparirca. Chaimantami Pedrotaca: —¿Manachu ashallatapish ñuca shinallatac riccharishca cai pudircanguichic?

Ñucaca ninimi: Dios maipi mandacucpica cancunahuan mushuc vinota ubiangacamanmi, cai uvasmanta vinotaca cutinca manatac ubiasha— nirca.

Chaipimi Pedroca: “Manarac gallo cantacpimi, quimsa cutin ñucataca mana ricsinichu ningui” nishpa Jesús huillashcataca yuyarirca. Chaimantami Pedroca canzhaman llucshishpa, munai llaquirishpa huacarca.

Jatarishpa jacuchic. Ñucata japichicca ñami chayamucun— nirca.

Chashna ruhuacta Jesús ricushpami: —Saqui, espadata maipi huacaichinapi huacaichi. Maijanpish espadahuan macanacuctaca, espadallahuantacmi huañuchishca canga.