Matoosa 5
5
Yesuusa wodamii gutii lallabaano
1Yesuusa gosa kakkodiyaare goorata wodami tos beegure hamas's'ee; usukko oɂagaalssatareen usu tos emeten. 2Haa amaa agaalssisano haggaɂabe.
Kasommaasame ibaaddo
(Luk'. 6:20-23)
3«Ayyaanakkisooyi Waa odootataraan osommaasameenyan;
wononnati kadaruure kakkisooyya.
4Ogaddaaran osommaasameenyan;
Waakko goggoɂinna helayinaraan.#Mez. 24:3-4.
5Fayyankkanɂi osommaasameenyan; ulnna eelinaran.#Mez. 37:11.
6K'ullumma oɂuɂaaranna osugubaataraan
osommaasameenyan bararraanwa.#Isa. 55:1-2.
7Shaaga oyelaraan osommaasameenyan; Waakko shaaga helayinnaraan.
8Wodana k'ulluu okkonlleetetta osommaasameenyan; Waa dinnaraan.#Mez. 24:3-4.
9Owogarisaraan osommaasameenyan yiis kawaa amami uumaminaraan.
10K'ullumma maraan ameerene ohorooramaraan osommaasameenyan;
Wononnati kadaruure kakkisooyya.#1 P'et. 3:14.
11«Ibaaddo aalantti teeyi isin gohabaare gohoroorena, meellane dubba isin gutii goɂayeese osommaasantteettan.#1 P'et. 4:14. 12Daruurii isin taɂatayinnattaan muraa taɂatii mankkolleete maraan geggelaayen; geggeloo tusa. Isinkko horeene ogireen ohegerool hikkamalee horooreraan.»#2 Od. 36:16; Ofa. Fe. 7:52.
Ifana Essebo
(Mar. 9:50; Luk'. 14:34-35)
13«Isin taɂulee essebottaan. Essebo taɂesseboo onɂomoonje gowaatte abbaabayi onɂomoonje yelayin daanddaata? Sar shafamidde luki taɂibaaddoyi daddaramin kuwaarre laɂo lakkoɂabtto.#Luk'. 14:34-35.
14«Isin kaɂalami ifattaan. Wodami gutii tagitta katamaa siyamin lakkodaanddeeto.#Yan. 8:12; 9:5. 15Dab hank'k'ayisatere daachcho hegelii golssate kakaatara ibaaddo lakkogiro. Min orroo kagiro dubbaan goggohank'ayiro bollanssoo gutii kayin kuwaarre.#Mar. 4:21; Luk'. 8:16; 11:33. 16Hikkamaleenna ibaaddo oɂidan feloɂoottisin diigure daruurii kagiro Aabbokkisin goggokabajiron ifakkisin ibaaddo horee hahank'awo.»#1 P'et. 2:12.
Seera kaɂooriti feloo haano
17«Ani seera kamusena kahegeroo iggilisin kaɂemeeyero aani isinuun aroolleeno; feloo hayisin kuwaarre iggilisin lakkoɂemeeyero. 18Ani rumminaa isinuun amara, ulnna daruurinna taa roorraanii seera dubba feloo hayinara kuwaarre seerakko fidale too goorttun eeggano koo duuddo lakkoɂiggilssamiro.#Luk'. 16:17. 19Haanssun maayyona hikka ajaja dubbakko kic'c'arkki gobbaase kakkaleenna goggobaasiro goɂagaalssise wononnati kadaruureyi dubbaankko kic'c'arkki amami uumaminara. Ayesuun goɂameen hikka ajajaal feloo hayisaa okkaleenna felooyi goggohayisinawun kaɂagaalssisara hassu wononnati kadaruureeti kanjiinkki amaminnara. 20K'ullummattisin tafarasaawilkkonna seera kamuse oɂagaalssisaraankkotti k'ullummakko roori gomutoon wononnati kadaruure tos ijjii tabin lakkodaandaattan ani amara.»
Yesuusakko engge maraan kasisamero agaalssisi
(Luk'. 12:58-59)
21«Kahoree ibaaddone ‹Ibaaddo aroolagaaddeen kaɂamamero isin maaltteettan; ibaaddo kalagadara firddaaminara kaɂamamero maaltteettan.›#Biy. 20:13; Ada. 5:17; 16:18. 22Ani goɂameen haa amara; abbikkeessa raakkallii kaɂinggaamara dubba firddaaminara; goorttun abbikkeessa ‹Kamaaddinoon› kaɂamara taɂayihuudi shonggoyi hoosaminara; ‹Taatowaa› kaɂamara ade tagaannemi eleenkokki firdda usu ooratara.#5:22 Abbikkeessa kahabaararakookkoo kahorkkoo mas'aafaali, «Adda» kaɂamaro haafura adara.
23«Haanssun jaarssokkaa banɂe tafalaa gutii kayitedde Waawun kakkosisato goorata abbikka ku kakkok'uk'amera ayees kuun k'alli goɂame, 24Jaarssokkaa ese banɂe tafalaa horee isaagigudde horaarjje seegudde abbikkaanne wota wogari; Esekko abbaabadde jaarssokkaa Waawun sisi.
25«Ku kamootara baragarakka ku goggofirddisonkko, daannanna kashaaron roorisi ku goggosisoonkkona min kashaano goggotabisoonkko raadii giraan saami baragaraakkaanne wota wogari. 26Ani kuun rumminaa amara, usu ku gofirddise adi maragade dubba ati muri taagudissoo esekkona lakkobinnatto.»
Sharmmut'ummakokki gara kasisamero agaalssisi
27«Aroosharmut'iteen kaɂamamero maaltteettan.#Biy. 20:14; Ada. 5:18. 28Ani goɂameen isinne haa amara; heleel tahalchcha ilii kadiyaara dubba wodanatteesayi esene wota sharmmut'eera amanoyya. 29Tamergge iltatta c'ubboon aalantti golleete goorsewa beesi shafi, maarkka dubba tagaannemi eleen tos shafamanakko maarkkaakko banɂe too waatanoya horekki.#Mat. 18:9; Mar. 9:47. 30Gene tamerggetatta c'ubboon aalantti golleete goosigudde shafi! Maarkka dubba gaannemi tos shafamanakko; maarkkaakko banɂe too waatano horekki.»#Mat. 18:8; Mar. 9:43.
Keelkki amamanokokki gara
(Mat. 19:9; Mar. 10:11-12; Luk'. 16:18)
31« ‹Ooritteessa keelkki ame kabeesara dubba keelkki kakkoɂamero worak'ata eseen sisano dootisara amamera.›#Ada. 24:1-4; Mat. 19:7; Mar. 10:4. 32Ani goɂameen isinne haa amara; ese kakkaleenne wota sharmmut'aa giraan gutii goɂabe kuwaarre; ooritteessa keelkki ame kabeesara dubba ese kakkaleenne wota goggoshaarmut'ito kayelaroya. Hikka garaayi keelkki amantte tabeetetto heleelttiti kaɂatatarana kasharmmut'aaro aani tootaamara.»#Mat. 19:9; Mar. 10:11-12; Luk'. 16:18; 1 K'or. 7:10-11.
Gara kaɂammatoo
(Mat. 5:32-38; Woy. 19:12; Yay. 5:12)
33Kahoree ibaaddon, «T'araa arooɂammatteen; ayesuun goɂameen Waayi horee kaɂammattetto oora» kaɂamamero maaltteettan.#Woy. 19:12; To. 30:2; Ada. 23:21. 34Ani goɂameen isinne; «Suure arooɂammatteen» amara. Daruurii golleenna arooɂammatteen, korffinjje kawaatta.#Yay. 5:12; Isa. 66:1; Mat. 23:22. 35Ulii golleenna arooɂammatteen; luki tawaa takkofoolssaattoya; Iyyerusaalemiinna arooɂammatteen tanjiintti tawono katamaatta.#Isa. 66:1; Mez. 48:2. 36Isiɂoottayi golleenna arooɂammatte; metekaakki fiit'a koo gumaara goorttun gambballa yelin lakkodaanddaatto. 37Haanssun ayeesaa giraan ayeeskkisin goɂiimanaa «iɂii» ade gollaaɂamanaa «laa» halleewo. Hikkakko kakkalee dubba kameellankko kaɂemeetaroya.#Woy. 19:12; To. 30:2; Ada. 23:21.
Halo biin lakkodootisaro
(Mat. 5:38-42; Luk'. 6:29-30; Woy. 19:13-18)
38«Il maraan il, ilkko maraan ilkkoo,» kaɂamamero isin maaltteettan.#Biy. 21:24; Woy. 24:20; Ada. 19:21. 39Ani goɂameen isinne haa amara; tameellan kafelaro ibaaddoti arooneebatteen; ayesuun goɂameen hangorooc'c'akkaa kamerggee kabasaroon kakkalee hangorooc'c'a kabbete adi tusa. 40Ibaaddoti koo k'olokkaa atayin ku gomootee sarssi kaabbaanne adigudde usuun sisi. 41Ibaaddoti koo kuunne banɂe too seenna ami ku gutii gohunnoome usu raakokki ambba usune wota see. 42Kukko kaɂebaataron sisi; amɂaayin kadootatarokkonna arootiratte.#Ada. 15:8; Mas. 24:29.
Diina geelatano
(Luk'. 6:27-36)
43«Ollaattaa geelaa diinakkaa diidi kaɂamamero maaltteettaan.»#Woy. 19:18. 44Ani goɂameen diinajjoolkisinna geelayen, isin ohorooraraawunna ebaayen amara.#Mas. 25:21-22. 45Hikkamalee mankko yelattaan marantinuun daruurii kagiro Aabbokkisinuun yiisaas linnattaan. Usu kaɂidanuunna kameellanuun dubbaan ariti beesara; idaamona c'ubbaalessaluunna k'ullooleewun ubsisara. 46Kageelaataro kaalaal ogeelaatattaan golleeten me muraa helayinattaan? K'arat'a okukkuyisaraanna laa usumalee yelaa giraanna? 47Abbilaalttisin taalaalnne nogodda oɂaatattaan golleeten okkaleekko meyii iidattaan? Ayizaablnna la hikka yelaa giraanna? 48Haanssun kadaruure Aabbokkisin k'ulluukki goggolleeroyi isinna k'ulluunɂi laa.#Woy. 19:2-18; Ada. 18:13.
Obecnie wybrane:
Matoosa 5: BayNT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Word for the World Northern Africa
