ማቶሳ 10
10
ቶሞንኮ ላማ የሱሳኮ ኦአጋልሳታራን
(ማር. 3፡13-19፤ ሉቃ. 6፡12-16)
1የሱሳ ኡሱኮ ኦአጋልሳታራን እስ ቶስ ኡመጉረ ባቲክ አያናጆል ጎጎቤስናዉና ማር ኦሮክ ኩባና ሀዉኣም ዱባ ጎጎፋይስናዉን እሶን ኦዶናት ስሰ።
2ቶሞንኮ ላማ ኦፋራሜራንኮኒዕ መገክሶ ሂካያ፤ እሶና [ጴጢሮሳ ካአማመሮ] ስሞናና አቢኬሳ እንድራሳ፥ ይስ ካዛብዶሳ ያይቆባና አቢኬሳ ያንሳ፥ 3ፍልጶሳና በርተሎሜዎሳ፥ ቶማሳና ቃራጣ ካኩኩይሳረ ማቶሳ፥ ይስ ካኢልፎሳ፥ ያይቆባና ታድዮሳ ካአማማሮ ልብድዮሳ፥ 4ኡልኬሳን ካዉድታማሮ ስሞና፥#10፡4ቀናኢ ስሞና፦ ሂካ ስሞናን ካላም ካስሳመራ መገ፥ ባንኤ ባንኤይ ፉሬን ምን ካዋዉን ካዉድታማሮያ ጎአምሮ፥ ካካለ አደ ባልቹማ ታቤሳቶ ኡናኮ ኮያ አማራን። ሃሬ የሱሳ ሮርሰ ካስሰሮ ካአስቆሮቱ ይሁዳ።
ኦፋራመራን ቶሞንኮ ላማ አጋልስስን ፋራማኖ
5የሱሳ ሂናኣ ኦፋራመራን ቶሞንኮ ላማ ሃ ካአማሮ ሀንዳነ ዎታ እሶ ፋረ፥ “አይዛብ ቶስ አሮሴቴን፤ ማኤት ታሳማርያ ካታማ ቶንሳ አሮታብቴን፤ 6ሴቶ ጎሄሶን እዳድ ኣን ምን ካእስራኤልኮ ካባየሮ ጎሳ ቶስ ሴዬን። 7ሴየንጉዴን ‘ዎኖናት ካዳሩረ ጋባላመራ’ አማ ላላባ።#ሉቃ. 10፡4-12። 8ኩባሌሳልና ፋይሳ፥ ካጎየሮ እባዶና ኬሳ፥ ማሪ ባር ካአቦና ባርኮ ሙጭሳ፥ ዱርሳና ቤሳ፥ አዳ. ካአታቴታና አዳ. ስሳ። 9ኪሲትስን ዎርቂ ሌረ ብር ታአማማቶ ማርጮኮ ጎርቱን መዳብኮ ካፈላመሮ ማራጋደ አሮአባቴን። 10ራክስኑና ሽለ፥ ቆሎ ላማ፥ ጎርቱን ከፈሮ ጎርቱን ዳማ አሮአባቴን፤ ኣላንቲና ካፈላሮን ባቦ ስሳምን ዶትሳራ።#1 ቆሮ. 9፡14፤ 1 ጢሞ. 5፡18።
11“ካታማ ጎርቱን ማማን ኮ ቶስ ጎታብቴን እስን ቆጳይን ፈኢ ካአቦ እባዶት ዶታጉዴን ኡሱ ምኒ ፎልሳዬን፤ ታቤታን ኤሰ አዳላየን። 12ምን ካማካዮና ጎታብቴን ኖጎዳ አታ። 13እስን ካቆጳታራን ጎሌ፥ ኖጎዳትስን ኡሱ ምን ሀሌቶ፥ እስን ካቆጳኖን ጎሌ አድ፥ ኖጎዳትስን እስኑን ሀአባባቶ። 14ማምስክ እባዶትና እስን ቆጳታና ጎዋተ ጎርቱን እስን ካአዬሳታን ማላና ጎዋተ ሀሱ ምንኮ ጎርቱን ሀሴ ካታማኮ ብያግራን እሶን ሴርሳኖ ጎጎሌሮን ሉቃኦትስንኮ ጎራ ሁርጉፋየንዴን ብያ።#ኦፋ. ፈ. 13፡51። 15አን ሩምና አማራ፥ ታፍርዳ አሪ ሀሴ ካታማይ ታግናቶ ሙሮኮ ሶዶምና ጎሞራይ ታግናታ ሙሮ ታፉፉዳተ ለታ።”#ማቶ. 11፡24፤ መጣ 19፡24-28።
ኤመይን ታግቶ ራኮ
(ማር. 13፡3-13፤ ሉቃ. 21፡12-17)
16“እዳድ ኣን ህዬይ ኦሮ አን እስን ፋርናራ፥ ሃንሱን ሀበሳ ኣን ቃሮሌ፥ አራበ ኣን ፋያንካኒዕ ላ።”#ሉቃ. 10፡3።
17“እባዶና እስን አብጉረ ፍርዳዉን ሾንጎ ቶስ ጌስናራን፤ አይሁድኮክ ምን ካኤብና እስን ቦጭናራን፥ ሃንሱን እሶኮ እስኦራዬን።#ማር. 13፡9-11፤ ሉቃ. 12፡11-12፤ 21፡12-15። 18ኣላንቲቴይ ሞትጆል ቶንሳ ዎኖላል ቶስ ፍርዳን እስን ጌስናራን፤ እሶ ሆረና አይዛብ ሆረ እን አቶ ልናታን። 19ፍርዳን ሾንጎ ቶስ እስን ካኮጌሴን ጎራታ መም አዬንሳ? መ አም አባብና? አም አሮያዴን፥ ሀሱ ጎራታ ታአም አዬሳን እስኑን ስሳንቶዋ። 20እስኒ ካአዬስናራ ካዳሩረ ኣቦክስንክ አያና ካዋያ ኳሬ ላኮእስንታን።”#ማር. 13፡12፤ ሉቃ. 21፡16።
21“አቢ አቢኬሳ ጎይን ሮርስ ስስናራ፥ ኦዶና ኤረኬሳ፥ ይንሳ እሶ ኦኡሙለራን ጉት ኪናራን፥ ላጋድስናራን። 22ኣላንቲቴይ እባዶ ዱባ እስን ዲድናራ፤ አየሱን ጎአመን ታጋቾ ጌሮ ካአታተ ኡሱ ፋይናራ።#ማቶ. 24፡9፥13፤ ማር. 13፡13፤ ሉቃ. 21፡17። 23ባንኤ ቶኮ ጎሆሮሬን ባንኤ ታካለ ቶስ ባቃዬን፤ አን ሩምና አማራ፥ እስን ታእስራኤል ካታማል ፈሎኦትስን ፈል አንጉሳኖን ግራን ኤረ ካእባዶ ኤመይናራ።”
24“ካአጋልሳታራ፥ ካአጋልስሳሮኮ ካሃንዳራ ጎታኬሳኮ ላኮሮራሮ።#ሉቃ. 6፡40፤ ያን. 13፡16፤ 15፡20። 25ካአጋልሳታራ ካአጋልስሳሮ ኣን፥ ካሃንዳራና ጎታኬሳ ኣን ጎሌ ሌራ። ኦዶምኔክሶ ‘ብኤልዘቡል’ አም ጎኡመ፥ ካምነ እባዶ ሂካኮ ካሮረ ካሜላን መገ ምሲ ኡምን ዋታራን?”#ማቶ. 9፡34፤ 12፡24፤ ማር. 3፡2፤ ሉቃ. 11፡15።
አዮ አብሳይን ዶትሳሮ
(ሉቃ. 12፡4-7)
26“ሃንሱን እባዶ አሮአብሳቴን፥ ጎላተ ካግራ ዲዳ ሀቤኖን፥ ስያመ ካግራ ሀሙቶን ላኮሄስሮ።#ማር. 4፡22፤ ሉቃ. 8፡17። 27ሃንሱን አን እስኑን ሙጉዲ ካሰገሮ ኢፋይ አዬሳ፥ ነበትስኒ ካማልቴታን ዲዳ ቤሳ አዋጃ። 28ሶ ላጋዲን ኳሬ ኔፎ ላጋዲን ካዳንዴኖን እባዶኮ አሮአብሳቴን፤ ሀሱኮ ኔፎና ሶና ታባኖን ኤለኒ ባስን ካዳንዳሮ ዋ አብሳዬን። 29ዶልቺ ቶይ ካዳዳላማሮ ክምብር ላማኮ ቶና ካዳሩረ ኣቦክስንኮት ፈኢ ካላይ ኡሊ እ ላኮሄሶ። 30መተክስንክ ብናናኮ ዱዶ ኮና ሀሄሶን ዱባ ካቶታመያ። 31ሃንሱን አሮአብሳቴን፥ ካሞጋን ክምብርጆልኮ ሙራትስን ታካባጃንተታ።”
እባዶ ሆረ ክርስቶሳ አቶታኖ
(ሉቃ. 12፡8-9)
32“አን ካክርስቶሳያ አመ ጋራኬ እባዶ ሆረ ካአቶታሮን አንና ዳሩሪ ካግሮ ኣቦኬ ሆረ አቶትናራ። 33አየሱን ጎአመን እባዶይ ሆረ እን ካካካታሮን አንና ዳሩሪ ካግሮ ኣቦኬይ ሆረ ኡሱ ካካይናራ።”#2 ጢሞ. 2፡12።
ኖጎዳ አንሌኖን ግራን ካለካለ ብያኖ
34“አን ካኮንኤሜየራ ኡሉን ኖጎዳ ኬኒን ላኮዮ፤ ካለካለ ቤስን ኳሬ ኖጎዳ ኬኒን ካኤመየሮ ኣን እስኑን አሮሌኖ። 35አን ካኮንኤሜየራ፥ ኤረ ኦዶኬሳኮ፥ ዴለልትቲ ኣየትሴኮ፥ ኦርኤረና ሶዶትሰኮ እስኮ ዳርኢንያ። 36እባዶን ዲና ካላራ ካኬሳ ካምነ እባዶዋያ።”#ሚኪ. 7፡6።
37“እንኮ ሮርሰ ኣቦኬሳ ጎርቱን ኣየቴሳ ካጌላታራ ካኬ ሊን ላኮዶትሳሮ፥ እንኮ ሮርሰ ባባርትት ጎርቱን ዴለልትቲ ካጌላታራ ካኬ ሊን ላኮዶትሳሮ። 38ማስቃልተሳ ስዳይረ ታጎሮን እን ዴበ ካሰሰኖን ካኬ ሊን ላኮዶትሳሮ።#ማቶ. 16፡24፤ ማር. 8፡34፤ ሉቃ. 9፡23። 39እስኦቴሳ ፋይሳይን ካዶታታራ ባሳታራ፥ እስኦቴሳ እን ማራን ሮርሳይ ስሳይን ካዶታታራ አደ ፋይሳታራ።#ማቶ. 16፡25፤ ማር. 8፡35፤ ሉቃ. 9፡24፤ 17፡33፤ ያን. 12፡25።
ጋራ ካባርአራ
(ማር. 9፡41)
40“እስን ካአታታራ እን አታታራ፥ እና ካአታታራ አደ እን ካፋረሮ ኦዶ አታታራ።#ማር. 9፡37፤ ሉቃ. 9፡48፤ 10፡16፤ ያን. 13፡20። 41ካሄገሮና ካሄገሮኮክ መገይ ካአታታራ ካሄገሮኮት ሙራ ሄላታራ፥ ቁሉክና ቁሉማኮክ መገ ካቆጳታራ ቁሉማኮት ሙራ ሄላታራ። 42ሃንሱን አን ሩምና አማራ፤ ማምስክ እባዶና ሂናኣ ኦትዲጫርኮ ኮ እንኮ ካአጋልሳታሮን ቁልዱቦ ቶ በከ አምባልኒዕ ካስሰ ኡሱ ሙራ ላኮዋሮ።”
Obecnie wybrane:
ማቶሳ 10: BayNTEth
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
