यूहन्ना शुरुवाती बोक
शुरुवाती बोक
ई कतु लिंगि भुन्ता कि मेह्णु अपु बारे बोते किछ, पर भुन्ते किछ होरा। शुरुवात अन्तर असी पता ना लगता। पर जीं दन बीतते घेन्ते त तीं तीं असी पता लगता घेन्ता कि बंदा सच्चे कीं असा। तपल अस तसे श्कल हेर कइ या बोक शुण कइ ना, पर तसे कम हेर कइ जाणते कि से कीं असा। ईं घटना अस हें देश अन्तर कत भुन्ते शुणते, जपल कोई मेह्णु भगवाने अवतार या साधु बण कइ मेह्णु ठगते।
त कि सच्चे कोउं एतु भरोसा करणे लेएक भुन्ता ना? कि सच्चे बि कोई मेह्णु परमेश्वरे बराबरी कइ बटता त तसे ईं ताकतवर भोई बटता ना? इस धरती मेह्णु अखिर कत टेम तकर तस पुठ विश्वास कते रेहन्ते? तेन्के सच्चाई यक ना यक टेम निसि घेन्ति। कि ईं बि कोउं असा ना जेन अपल तकर मेह्णु बिसिर नेईं बटो। ईं बि कोउं असा ना जे इतिहासे बरके केआं बाहर एई कइ मेह्णु के जिन्दगी जुए जुड़ बटियेल?
मनखे इतिहास अन्तर यक ईं बि मेह्णु थिआ, जे अपफ जे परमेश्वरे कुआ बोताथ। से अपफ जे इस मतोके टगड़ियार, सच्चाई, बथ त जीवन बोताथ। से अपफ जे मेह्णु के पुहाल त जीवन देणे बाड़ी सच्ची रौठि बोताथ। सद एतुरु ना, से अपफ जे परमेश्वर केईं घेणे दुआर त अमर जीवन देणे बाड़ा, मेह्णु के पापे लिए भकत चढ़णे बाड़ा परमेश्वरे किएऊ बि बोताथ। तेस जमाने मेह्णु त तसे बोकी पुठ विश्वास किआ। पर परेशानी बाड़ी बोक ईं असी कि इस जमाने मेह्णु मतलब कि दुई हजार केआं बि ज्यादा सालुं बाद बि मेह्णु तस पुठ विश्वास करण लगो असे। सद गरीब त अनपढ़ गवार ना, पर अमीर त पढ़ो लिखो बाबु बि तस पुठ भरोसा कते।
त तेन जे किछ बि बोलो थिउ, से कि सच्चु असु ना? किस ना अस तसे बारे धिक पता लान्ते? भला तेन की की बोलो थिउ, त की की किओ थिउ, जे पूरा मतोक तसे दिवाना बण गो असा? चले, इस कताब पढ़ कइ जाणते कि से कोउं थिआ। ए सोब तसे चेला यूहन्ने लिखो असु।
विषय सूची
शुरुवाती बोक (1:1-18)
यीशु सेवाई कम शुरु करण (1:19-51)
मनखे बुच यीशु मसीहे सेवाई कम (2:1—12:50)
यरुशलेम शेहर अन्तर यीशु मसीहे अखिर हफ्ता (13:1—19:42)
यीशु मरण केआं दुबारी जीण त अपु चेली दर्शण देण। (20:1—21:25)
Obecnie wybrane:
यूहन्ना शुरुवाती बोक: pgg
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2023 (Active) Wycliffe Bible Translators, Inc. All rights reserved.