Neto'te 5
5
Ndèn ba tànjam Adam nèn nkum num tse Noa
1Tshù #Net. 1.27-28ṅwa'ni tunndà Adam ni: A lo be lé'njù se Nsi nabte Adam nà, a nabt'é num mfuni Nsi. 2A #Mat. 19.4; Mark. 10.6nabte yube, mandum bo mènnzwi; Nsi yab kàn bo, ntswi lén sob mènntùn mum lé'njù s'a nabte yub là.
3Ngelaṅ Adam kum ngu'njù bon tat nkù là, a bwe mén mandum num mfuni mi, z'a fut'é là, ntswi lén se ndù Set. 4Adam bwe Set, mbèn ntswe ngu'njù nkù fome, mbwe bon bandum boa tse bènnzwi. 5Adam lo tswe ngu'njù bon tat nkù bwe'e, nkwù.
6Ngelaṅ Set kum ngu'njù bon tàn nkù là, a bwe Enosh. 7Set bwe Enosh, mbèn ntswe ngu'njù nkù fom ngù ngu'njù sammbàa, mbwe bon bandum boa tse bènnzwi. 8Set lo tswe ngu'njù ntshob bàa mén bùm nkù bwe'e, nkwù.
9Ngelaṅ Enosh kum ngu'njù nkù bwe'e là, a bwe Kénan. 10Enosh bwe Kénan, mbèn ntswe ngu'njù ntshob tàn mén bùm nkù fome, mbwe bon bandum boa tse bènnzwi. 11Enosh lo tswe ngu'njù ṅam bwe'e ngù ngu'njù tàn, nkwù.
12Ngelaṅ Kénan kum ngu'njù ṅam sammbàa là, a bwe Mahalalel. 13Kénan bwe Mahalalel, mbèn ntswe ngu'njù bon kuà nkù fome, mbwe bon bandum boa tse bènnzwi 14Kénan lo ntswe ngu'njù mén bùm nkù bwe'e, nkwù.
15Ngelaṅ Mahalalel kum ngu'njù ntshob tàn ṅam ntôg là, a bwe Yérèd. 16Mahalalel bwe Yérèd, mbèn ntswe ngu'njù bon tat nkù fome, mbwe bon bandum boa tse bènnzwi. 17Mahalalel lo tswe ngu'njù ntshob tàn bon bwe'e nkù fome, nkwù.
18Ngelaṅ Yérèd kum ngu'njù ntshob bàa bon ntôg nkù là, a bwe Hénok. 19Yérèd bwe Hénok, mbèn ntswe ngu'njù nkù fome, mbwe bon bandum boa tse bènnzwi. 20Yérèd lo tswe ngu'njù ntshob bàa bon ntôg nkù bwe'e, nkwù.
21Ngelaṅ Hénok kum ngu'njù ntshob tàn ṅam ntôg là, a bwe Metusalem. 22Hénok nke nzin bo Nsi. A bwe Metusalem, mbèn ntswe ngu'njù nkù tat, mbwe bon bandum boa tse bènnzwi. 23Hénok lo tswe ngu'njù ntshob tàn bon ntôg nkù tat. 24Hénok #Yu. 14; Héb. 11.5lo ke nzin bo Nsi, ke bèn nebe, nummbe Nsi lo lo' i nèn yi.
25Ngelaṅ Metusalem kum ngu'njù ntshob sammbàa bon fom nkù là, a bwe Lemek. 26Metusalem bwe Lemek, mbèn ntswe ngu'njù ntshob bàa bon fom nkù sammbàa, mbwe bon bandum boa tse bènnzwi. 27Metusalem lo tswe ngu'njù ntshob bwe'e bon ntôg nkù bwe'e, nkwù.
28Ngelaṅ Lemek kum ngu'njù ntshob bàa bon fom nkù là, a bwe ta' mén mandum. 29A tswi lén se ndù Noa, nummb'a lo tshob ndù: Yen mén ni nsi tswe'te ntù be num mfa' boa ngùtni tse be be ntùm bwe fe lé'njù se Nsi naṅ ndon num nsitsha' là. 30Lemek bwe Noa, mbèn ntswe ngu'njù ntshob tàn mén bùm nkù tàn. A bwe bon bandum boa tse bènnzwi. 31Njoṅ lé'njù yôg Lemek fa tamte mb'a ngu'njù ntshob sammbàa bon sammbàa nkù sammbàa, k'a nkwù.
32Noa lo tswe ngu'njù nkù tàn, mbwe Sém, Kam bo Yafét.
Obecnie wybrane:
Neto'te 5: BMa
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
