Makòrzì Hwèlìhvòwèlì hwe Kààtì
Hwèlìhvòwèlì hwe Kààtì
Ŋmɛ̀ndì mò Gbamù nà òma Makòrzì à tilì mò òhwà ndi lì hvòmɛ̀nɛ̀ Yerzù Krirztò è Ŋmanà wà mùnyanà wà ama Lohwɛ̀. Mò uŋmɛ̀lɛ̀ Yerzù nàa mòtò ema à gbeyà hweyà, ndèŋgànɛlɛ à hwɛni è wònja yà lì gbeyà hwèŋge hweyà. Èŋge wònja è uŋmɛ̀lɛ̀hwɛyi ò hweyà ema à mà hwɛ lì òkòlɛ̀ nà ò hweyà ema à mà hwɛ lì gbeyà. Yerzù à òhwi nanù ema mɔ̀ ndi à hwèlì è Ŋmanà wà è Mòtò wà Hwènàmà, ema à ma jà, rzìi à ŋgba lòŋgɛ là eni, aŋga nanù hwatò hwa lùwà lì làkìrzɛ̀hwɛ̀ ò wòhwe.
O tenì yà ène kààtì Makòrzì à òhwi hweyà ema Yerzù à mà hwɛ lì gbeyà, lì aka hweyà ema à mà hwɛ lì òhwa nà lì òkòlɛ̀. À òhwi nà òma Yòwanìrzɛ̀ à mà òhwe lì hvòmɛ̀nɛ̀ hwèjèelì hwe ama Yerzù, rzìi à òhwì hvɛ lì hvòmɛ̀nɛ̀ lìlùhwìrzɛ̀ là ama Yerzù, nà makèkìrzɛ̀nɛ̀ ema Yerzù à mà lùwè. O lìrzùkù, à òhwi nɛ hwa mà wòmeyà Yerzù ò mbarzà nà hwèhvùmùwèlì hwe eni. Ène kààtì è òhvi hwèrzùwèlì hwehwàkɛ, ndeŋgànɛlɛ rzeketɛ Makòrzì ndi à tilì nanù.
Hwèkàhwèlì hwe ène Kààtì
Hwèwòtelì hwe Ŋmɛ̀ndì mò Gbamù 1.1-13
Èwòlò yà ama Yerzù ò Galìlì 1.14–9.50
Èwòlò yà ama Yerzù à mà gbèye lìwòteyà ò Gàlìlì lì uka ò Jèrurzalɛ̀mù 10.1-52
Mèènyà mè lìrzùkù mè ama Yerzù, ò Jèrurzalɛ̀mù nà lì kòmbɛ̀nɛ̀ Jèrurzalɛ̀mù 11-13
Hwèkàyìrzèlèlì hwe ama Yerzù nà è kpeli yà eni 14-15
Hwèhvùmùwèlì hwe ama Yerzù 16.1-8
Yerzù à mà àwuŋmɛ̀lɛ̀ mɔ̀ ŋmìti ò mburzà hwèhvùmùwèlì hwe eni nà Hwèkòòwèlì hwe eni ò ŋmanyu yà lohwà 16.9-20
Obecnie wybrane:
Makòrzì Hwèlìhvòwèlì hwe Kààtì: bri
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, CABTAL