KEJADIAN 17
17
Sunat da'di leo ta'du-tana hehelu-balataak
1Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa. 2Neukose, Au tao hehelu-balataak no o, ma Au fe o tititi-nonosik makadotok.” 3Boema, Abram senek, de basa boema, Manetualain nafa'da nae, 4-5#Rm. 4:17“Au hehelu-balataang, fo Au taon no o-a, nde ia: Au helu ae neukose, o da'di ama kai neu leoina makadotok. Hu ndia de, o na'dem-ma, ta na'de Abram so'on, te na'de Abraham. 6Neukose, Au fe o upu-anak makadotok, ma nai upu-anak sila-la dalek, neukose hapu nggelok da'di manek-kala. Neukose, o tititi-nonosim makadotok nanseli, de nalosa neukose ala da'di leoina-leoina-la.
7 #
Luk. 1:55
Neukose, Au tao atetu Au hehelu-balataang neu o, ma neu o tititi-nonosim-mala, neme bobongik leo bobongik neu, ma hehelu-balataak ndia, manaketu-basa taak. Neukose, Au da'di o Manetualaim-ma, ma o tititi-nonosim Manetualain-na. 8#Hat. 7:5Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”
9Manetualain nafa'da seluk Abraham nae, “O boeo, muse lilineka neu hehelu-balataak ia, nau o, do o tititi-nonosim, neme bobongik leo bobongik neu. 10#Hat. 7:8; Rm. 4:11O ma basa o tititi-nonosim-mala, muse sunat-tasa. 11-12Mulai neme besak ia mai, o muse sunat basa o anatoum, fo nanabongi beuk-kala, fo teun-na, besak-ka faik falu, ma basa o atam, fo bongin nai o umam, do o asa mak-kala. Sunat ndia, neukose ana da'di ta'du-tana, neme hehelu-balataak fo, Au taon emi. 13Hataholi lala'en-na, muse nanasunat, fo neukose, ndia da'di ta'du-tana aopak, fo natu'du nae, Au hehelu-balataang no o ndia, manaketu-basa taak. 14Basa touk, nanasunat taak lala'en-na, Au anang ta ndia fa, nanahu, ana ta ho'u hehelu-balataak ndia fa.”
15Basa boema, Manetualain nafa'da Abraham nae, “O boso boe maloo o saom-ma, mae Sarai bai; te mulai besak ia, na'den-na Sara so. 16Neukose, Au ba'e-palan, ma neukose, ana bongin-na ni'iana touanak esa, fo Au fen neu o. Neukose, Au ba'e-pala Sara, ma neukose ana da'di ina kai, neu leoina-la. Neukose hapu manek-kala, nai tititi-nonosin-nala dalek.” 17Boema, Abraham senek leona, tehu ana hika, nai lelek fo ana dodoo nae, “Hapu nai bee, touk esa, teun natun esa so, tehu ana bei bongi anak? Hapu nai bee, Sara bisa bongi nai teun siohulu dalek?”
18Boema, Abraham nafa'da Manetualain nae, “Malole lenak, Ismael nde da'di manahapu au pusakang-ngala.”
19Tehu Manetualain nae, “Ta. Neukose, o saom Sara bongi anatouk, de neukose o foin na'de Isak. Neukose, Au ho'u ahele Au hehelu-balataang no ni'iana ndia, ma no tititi-nonosin-nala losa dodoon-na. Hehelu-balataak ndia, manaketu-basa taak. 20Tehu, Au sipok o nonokem la'eneu Ismael boe. Hu ndia de, neukose Au ba'e-palan, ma Au fen tititi-nonosik makadotok. Neukose, ana da'di, leo ka sanahulu duak-kala, bei-ba'i kain, ma neukose, Au fe tititi-nonosin da'di leoina matuaina esa. 21Tehu, neukose Au henge Au hehelu-balataang no o anam Isak, nana neukose, Sara bongin nai teu manamaik-ka, fo nai faik sama leo ia.” 22Manetualain nafa'da basa nae leondia boema, Ana la'o ela Abraham.
23Nai faik ndia boe, Abraham tunga Manetualain paletan-na, de ana sunat anan Ismael, ma basa anatouk manai uman dale, nau basa ata, fo nanabongik nai uman dale, do ana asa nak-kala boe. 24Abraham nanasunat ndek lelek teun siohulu sio, 25ma anan Ismael teun sanahulu telu. 26Sunat duas, nai faik esa dalen-na, 27sama-sama no basa Abraham atan-nala.
Obecnie wybrane:
KEJADIAN 17: twu
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
