Мәтта 11
11
Иса щаба пьрса Йуһʼәннайе ньхӧмдар дьдә
(Луԛа 7:18-35)
1Чахе Иса тʼәмийед кӧ данә һәр донздәһ шагьртед Хԝә хьлаз кьрьн, жь ԝи щийи чу нав бажаред ԝан, кӧ һин кә у даннасин кә.
2Гава Йуһʼәнна кәледа бона шьхӧлед Мәсиһ бьһист, чәнд шагьртед#11:2 Нав һьнәк дәстньвисарада дәԝса «чәнд шагьрт» «дӧ шагьрт» һәйә. хԝә шандьнә щәм Ԝи 3у же пьрсин: «Тӧ Әԝ и, Йе кӧ гәрәке бьһата, йан әм һивийа йәки дьн бьн?» 4Иса щаба ԝан да у гот: «Һәрʼьн, чь кӧ һун дьбиньн у дьбьһен Йуһʼәннарʼа бежьн. 5Кор дьбиньн, сәԛәт дьгәрʼьн, кʼоти паԛьж дьбьн, кәрʼ дьбьһен, мьри рʼадьбьн у фәԛирарʼа жи Мьзгини те дайине. 6У хԝәзи ль ԝи, кӧ жь Мьн пʼьшк набә».
7Гава әԝана чун, Иса бона Йуһʼәнна әʼлаләтерʼа дәстпекьр гот: «Һун дәркʼәтьнә бәрʼийе чь бьбиньн? Ԛамишәки кӧ жь байе дьһʼәжә? 8Йан һун дәркʼәтьн чь бьбиньн? Мәрьвәки кʼьнще назьк ль хԝә кьри? Нә әԝед кӧ кʼьнще назьк ль хԝә дькьн, әԝ малед пʼадшада нә? 9Йан һун дәркʼәтьн чь бьбиньн? Пʼехәмбәрәки? Бәле әз ԝәрʼа дьбежьм, жь пʼехәмбәрәки жи мәстьр ә. 10Әва әԝ ә, бона кʼижани ньвисар ә: ‹Ва йә Әзе ԛасьде Хԝә пешийа Тәва бьшиньм. Әԝе рʼийа Тә пешийа Тәва һазьр кә›#11:10 Малахи 3:1. . 11Әз рʼаст ԝәрʼа дьбежьм, жь нава әԝед кӧ жь кʼӧлфәта дьне кʼәтьнә, тʼӧ кәс жь Йуһʼәннайе ньхӧмдар мәстьр нәбуйә. Ле Пʼадшатийа Әʼзманада йе һәри бьчʼук жь ԝи мәстьр ә. 12Жь рʼожед Йуһʼәннайе ньхӧмдар һʼәта ньһа Пʼадшатийа Әʼзмана бь зорбәтийе те һʼьщумкьрьне у йед зорбә дькьн кӧ зәфти хԝә кьн#11:12 Аһа жи те фәʼмкьрьне: «Пʼадшатийа Әʼзмана бь ԛәԝате пешда дьчә у йед зорбә дәст дьхьн». . 13Чьмки һʼәму пʼехәмбәра у Ԛануне һʼәта Йуһʼәнна бона Пʼадшатийа Әʼзмана шәʼдәти дан#11:13 Аһа жи те фәʼмкьрьне: «Чьмки һʼәму пʼехәмбәра у Ԛануне һʼәта Йуһʼәнна пʼехәмбәрти кьрьн». . 14У һәгәр һун дьхԝазьн ве йәке ԛәбул кьн, әԝ ә Елйасе кӧ гәрәке бьһата#11:14 Малахи 4:5. . 15Гӧһе кʼе һәйә бьра бьбьһе.
16Ньһа Әз ви ньсьли мина чь бьшьбиньм? Әԝ мина ԝан зарʼа нә, йед кӧ базарада рʼуньшти нә, гази һәвалед хԝә дькьн 17у дьбежьн: ‹Мә бона ԝә зӧрʼне хьст, һун нәрʼәԛьсин у бона ԝә бәйтʼ готьн, ԝә шин нәкьр›. 18Йуһʼәнна һат, нә дьхԝар, нә вәдьхԝар у дьготьн: ‹Щьн ԝида һәйә›. 19Кӧрʼе Мерьв һат, дьхԝә у вәдьхԝә, бона Ԝи дьбежьн: ‹Ва Әԝ йәки пәй хԝарьн у вәхԝарьне кʼәти йә, досте хәрщгьр у гӧнәкʼара йә›. Ле сәрԝахти бь әʼмәлед#11:19 Нав һьнәк дәстньвисарада дәԝса «әʼмәл» «зарʼ» һәйә. хԝә кʼьфш дьбә кӧ әԝ рʼаст ә».
Бажаред нәбаԝәр
(Луԛа 10:13-15)
20Һьнге Иса дәстпекьр ль ԝан бажара һьлат, кʼижанада гәләк кʼәрәмәтед Ԝи ԛәԝьмибун, чьмки әԝ жь гӧнәкьрьне вәнәгәрʼийан. 21«Ԝәй ль тә Хоразин! Ԝәй ль тә Бәйтсайда! Һәгәр әԝ кʼәрәмәтед кӧ нава ԝәда бун, Сур у Сайдеда бьбуна, әԝанайе зува бь кʼӧрх у кʼозийе тʼобә бькьрана. 22Ле Әз ԝәрʼа дьбежьм, Рʼожа Ахрәте, һʼале Суре у Сайде ԝе жь һʼале ԝә четьр бә. 23У тӧ Кәфәрнаһум, тә тʼьре те һʼәта әʼзман бьльнд би? Ле те һʼәта дийаре мьрийа һәрʼи хԝаре! Һәгәр әԝ кʼәрәмәтед кӧ нав тәда ԛәԝьмин Содомеда бьԛәԝьмийана, әԝе һʼәта рʼожа иройин бьма. 24Ле Әз ԝәрʼа дьбежьм, Рʼожа Ахрәте һʼале ԝәлате Содоме ԝе жь һʼале тә четьр бә».
Ԝәрьн щәм мьн у һеса бьн
(Луԛа 10:21-22)
25Һьнге Иса гот: «Шькьр наве Тә бә Баво, Хӧдане әʼрд у әʼзман, кӧ Тә әв тьшт жь зана у билана вәшартьн у ль бәр зарʼа вәкьрьн. 26Бәле Баво, чьмки аһа ль Тә хԝәш һат.
27Һәр тьшт жь Баве Мьн Мьнрʼа һатийә дайине. Кәсәк Кӧрʼ нас накә пештьри Баве у кәсәк Баве нас накә пештьри Кӧрʼ у кʼижанарʼа кӧ Кӧрʼ бьхԝазә ԝанва Баве бьдә наскьрьне.
28Ԝәрьнә щәм Мьн һʼәмуйед ԝәстийайи у баргьран у Әзе рʼьһʼәтийе бьдьмә ԝә. 29Нире Мьн һьлдьнә сәр хԝә у жь Мьн һин бьн, чьмки Әз шкәсти мә у дьлмьлаһим ьм у һуне хԝәрʼа рʼьһʼәтийе бьбиньн. 30Чьмки нире Мьн рʼьһʼәт ә у баре Мьн сьвьк ә».
Obecnie wybrane:
Мәтта 11: KmrNTC
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© Институт перевода Библии, 2000, 2011
