Kam To Ihtẽm Xà 16
16
Pê Hacakwỳj mã Ixamar pỳm
Kam To Ihtẽm Xà 16.1-16
Ne ramã jũ mã me ahna caku te, mã cormã nee Aprãw me hĩxi pê Xarakwỳj ata mã ihkra nare kam, ramã ajwar mehwej. Cwỳrjapê ri Xarakwỳj te impjên mã harkwa to:
— Pom imã hàpên catê cahãj pê Hacakwỳj ita me, ca ha apu gõr ne kam akra, quê ha cumã ihpỳm, cu ha to pahkra, wa ha pa to ajpa — hajỹr.
Mã harkwa kôt Aprãw te Hacakwỳj ita to hajỹr ne kam ihkra. Mã cute amji cajpẽr me mãa mã, ma apu hõ pahhi kwỳj pê Xarakwỳj ata par caca. Cwỳrjapê ri ma Xarakwỳj apu Hacakwỳj curê ne apu to kêanre, mã ma põ wỳr cupê tẽ.
Mã curia Pahhiti te côjkwa kam cumã memprar catêjê nõ na amji jahkre ne cumã harkwa to:
— Ca ha nee gõ pahhi kwỳj ata mã hikran, ne hipêr cupê acator to hajỹr nare. Ne hacpỹa mã hỹrmã amji jaxà, ne atỳj amji caxuw kampa. Ne wa ite ramã amã akra jõr ita, quê ha amã ihpỳm, ca ha cumã haprỳ to Ixamar. Quê ha ampeaj kam ihtỳj, ne cukwa kam quê ha ampeaj kam amã atàmxwỳ hàhtô, ne ihtỳj mehkjêjêa me, me ajpu — hajỹr.
Mã Hacakwỳj te impar ne hacpỹa mã amji jaxàr. Mã cumã ihkra ata pỳm, mã Aprãw te cumã haprỳ to Ixamar.
Obecnie wybrane:
Kam To Ihtẽm Xà 16: ram
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2012, Wycliffe Bible Translators, Inc. All rights reserved.
