IOANE 1
1
Ko te Muna o te Ola
1Ka koi tuai o faite te lalolagi ko leva ne iai te Muna; ne nofo fakatasi te Muna mo te Atua, ka ko te Atua foki te Muna. 2Ne iai fakatasi laua mo te Atua mai i te kamataga. 3Ne faite a mea katoa e alatu i a ia; e seai foki se mea ne faite e aunoa mo ia. 4A te muna ko te autu o te ola,#1.4: A te Muna ko te mafuaga o te ola; io me Sose mea ne fakafua e isi iei te ola tela e soko fakatasi mo te Muna. ka ko te ola tena ne aumai ne ia te mainaga ki tino. 5Ko 'pula ake te mainaga i te pouliga, kae se mafai eiloa ne te pouliga o fakatakavale a te mainaga.
6 #
Mata 3.1; Male 1.4; Luka 3.1,2 E isi se tagata ne uga mai ne te Atua, ko Ioane tena igoa. 7Ne vau a ia ke fai mo molimau, ke molimau ki te mainaga, ko te mea ke talitonu a tino katoa ki te mainaga e alatu i a ia. 8E se ko ia ko te mainaga, ka ko ia ne vau o molimau ki te mainaga tena. 9Tenei eiloa te mainaga tonu, ko te mainaga tela ne vau ki te lalolagi o fakamaina atu a tino katoa.
10Ne i te lalolagi te Muna, ne faite foki te lalolagi e alatu i a ia, kae ne se iloa a ia ne te lalolagi. 11Ne vau ki tena fenua tonu, kae ne se talia ne ona tino. 12Ka ko tino kola ne talia ne latou a ia, ne talitonu ki tena igoa, avatu foki ei ne ia a te saolotoga ke fai latou mo fanau a te Atua. 13Ka ko latou kona, ne seki fa'nau latou e pela mo ne tama'liki ne fa'nau mai i manako faka te foitino, kae ne fa'nau mai eiloa i te loto o te Atua.
14Ne liu tino te Muna kae ne 'nofo fakatasi mo tatou. Ne matea ne matou tona 'malu ko fonu i te alofa tauanoa mo te munatonu. Tenei te 'malu ne maua ne ia, i te mea i a ia ko te Tama eiloa e tokotasi a te Atua te Tamana.
15Ne molimau a Ioane ki te Muna, kae kalaga malosi penei, “Tenei a ia tela ne faipati sale au ki ei, ‘A ia tela ka vau i oku tua, e sili atu i a au, ne muamua foki i a au.”’
16Ona ko tena katoatoa, ko maua ei ne tatou a te alofa tauanoa e fakalasi faeloa mo tatou. 17A te Tulafono ne tuku mai ne te Atua e alatu i a Mose, ka ko te alofa tauanoa mo te munatonu ne alatu mai i a Iesu Keliso. 18E seai eiloa se tino kai lavea ne ia te Atua, kae na ko te Tama eiloa e tokotasi, tela e nofo i te fatafata o te Tamana, ne fakaasi mai ne ia a ia ki a tatou.
Ko te Molimau a Ioane te Papatiso
(Mata 3.1-12; Male 1.1-8; Luka 3.1-18)
19Tenei te molimau a Ioane, i te oloatuga a faitaulaga mo sa Levi kola ne uga mai ne tino Iutaia i Ielusalema o fesili ki a ia, “Ko oi koe?” 20Ne takutonu atu ne Ioane, kae ne seki fakafiti, ana muna: “Au se ko te Keliso.” 21#Mala 4.5; Teu 18.15,18 Kae ne fai atu latou ki a ia, “Ka ko oi la koe? A koe ko Elia?” Ne tali mai a Ioane, “Ikai, au se ko ia.” Ne toe fesili atu latou, “A koe se Pelofeta?”#1.21:Te pelofeta: Ko te tino tela e fakamoemoegina ke vau o fakasalalau te taimi e oko mai ei te Mesia. Ana muna, “Ikai.” 22Ne fai atu latou, “Ka ko oi la koe? Fai ake sau fakamatalaga e uiga ki a koe. E 'tau ke maua se motou tali, ki a latou kola ne uga mai ne latou a matou.” 23#Isa 40.3 Muna a Ioane
“Ko au ko te leo o te tino tela e kalaga sale i te vao,
‘Fakatonu te auala o te Aliki!”’
E pela eiloa mo pati ne fai mai ne te pelofeta ko Isaia.
24Ne uga atu a 'kavefekau kona ne Falesaio. 25Ne fai atu ki a ia,#1.25: A avefekau, kola ne uga ne Falesaio, kae; io meA latou kola ne uga atu ne Falesaio; latou. “Ai a e papatiso ei ne koe a tino, manafai e se ko koe te Keliso, Elia, io me se Pelofeta?” 26Ne tali mai a Ioane ki a latou, “Au e papatiso ki te vai, ka ko ia tela e se iloa ne koutou, tena e 'tu fakatasi mai mo koutou. 27E vau i oku tua, kae se 'tau mo au o 'tala te 'saiga o ona taka.”
28Ka ko mea katoa konei, ne 'tupu i Petania i te isi feitu o te vaitafe ko te Iolitana, tela ne papatiso sale i ei a Ioane.
Ko te Tama Mamoe a te Atua
29I te isi aso ne lavea ne Ioane a Iesu e vau ki a ia, fai ake ei a pati a Ioane pela, “Kiloke, tela te Tama Mamoe a te Atua ka ave ne ia keatea agasala a te lalolagi. 30Tenei a ia tela ne fai sale atu ei au, ‘Ka vau te tagata tena i oku tua, e sili atu a ia i a au, ne muamua foki a ia i a au.’ 31E se iloa ne au a ia; kae ona ko te feitu tenei, ne vau ei au o papatiso sale ki te vai, ko te mea ke iloa ne Isalaelu a ia.”
32Ne molimau foki a Ioane, “Ne lavea ne au a te Agaga Tapu ko fanaifo e pela mo se lupe mai te lagi, kae ne nofo i luga i a ia. 33Ka ko au eiloa i a au, e se iloa ne au a ia; ka ko ia tela ne uga mai ne ia a au o papatiso sale ki te vai ne fai mai, ‘Ko te tino tela e lavea ne koe e fanaifo ki ei te Agaga, kae nofo foki i luga i a ia; ko ia la tena ka papatiso ne ia a tino ki te Agaga Tapu.’ 34Ne lavea ne au kae molimau foki au, ‘Ko ia ko te Tama a te Atua.”’
Ko Soko Muamua
35I te sua aso ne toe i kona foki a Ioane, e 'tu fakatasi mai mo ona soko e tokolua. 36Ne kilokilo ki a Iesu e sasale ake, fai ake ei a Ioane penei, “Kiloke, tela te Tama Mamoe a te Atua!” 37Ne lagona ne ona soko e tokolua ana pati kona, tautali atu eiloa i a Iesu. 38Ne mafuli mai ki tua a Iesu, lavea atu ei ne ia e tautali mai laua i a ia, fai atu ei ki a laua, “Se a te mea e salasala koulua ki ei?” Ne tali mai laua ki a ia, “Te Lapi,” ko tona uiga ko te Faiakoga, “e nofo koe i fea?” 39Ne fai atu ki a laua, “O'mai ake o onoono ki ei.” Ne olo mo Iesu kae ne lavea ne laua a te koga e nofo ei a ia, 'nofo ei latou i te aso tena, i te mea ko tai ta te fa i te afiafi.
40A te sua tino o te tokolua konei ko Anitelea te taina o Simona Petelu. Ne lagona ne ia a te faipatiga a Ioane, tautali eiloa i a Iesu. 41Ne fetaui muamua eiloa a ia mo tona taina ko Simona, kae fai atu ki a ia, “Ko oti ne maua ne maua te Mesia.” Ko tena uiga ko te “Keliso”. 42Ne aumai ne ia ki a Iesu. Ne kilo atu Iesu ki a ia kae fai atu, “Io, ko koe ei tena ko Simona te tama a Ioane? Ka fakaigoa nei koe ki a Kefa.” E pau eiloa mo Petelu, ko tena uiga ko te Kaupapa.
Ko Kalagagina Filipo mo Natanielu ne Iesu
43I te sua aso, ne tonu i a Iesu ke fano a ia ki Kalilaia, maua atu ei ne ia Filipo kae fai atu ki a ia, “Tautali mai i a au.” 44Ka ko Filipo ne vau mai i te fa'kai ko Petesaita, ko te fa'kai o Anitelea mo Petelu. 45Ne maua ne Filipo a Natanielu kae fai mai ki a ia, “Ko oti ne maua ne matou a ia tela ne tusi mai ne Mose i te Tulafono, pela foki mo pelofeta. Ko Iesu te Nasaleta, te tama a Iosefa.” 46Ne tali mai a Natanielu ki a ia, “E mafai o maua se mea 'lei mai i Nasaleta?” Ne tali atu Filipo ki a ia, “Vau la o kilo ki a ia.”
47I te laveaga ne Iesu i a Natanielu e vau ki a ia, kae fai atu, “Kiloke, tenei eiloa te tina Isalaelu tonu; e seai sona masei!” 48Muna a Natanielu ki a Iesu, “Ne iloa pefea ne koe au?” Ne tali atu a Iesu ki a ia, “Ko leva ne lavea ne au koe i lalo o te mati, ka koi tuai o kalaga atu Filipo ki a koe.” 49Ne tali mai a Natanielu ki a ia, “Te Faiakoga, ko koe ko te Tama a te Atua! Ko koe foki ko te Tupu o Isalaelu!” 50Ne tali atu a Iesu ki a ia, “Ne talitonu koe ona ko taku faiatuga, me ne matea ne au koe i lalo o te mati? Ka lavea ne koe a mea e sili atu i mea konei.” 51#Kene 28.12 Ne fai atu a Iesu ki a latou, “Au e muna tonu atu ki a koutou, ka lavea ne koutou te lagi e matala, mo agelu a te Atua e olo ake kae olo ifo i luga i a au te Tama a te Tagata.”
Obecnie wybrane:
IOANE 1: Tusi Tapu
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Tuvalu Revised Bible © Bible Society in the South Pacific
