Pakeke Ritetong nge a Pakekere Ole Omaing
Ritetong nge a Pakekere Ole Omaing
Luk i wat erere ake mo aro i pavus ile rirumong ako i patea i nomenga nge ile erere ako te apet i ve ini Panongpolong Sivenga ako Luk i wat i. (Luk 1:1) Na ile rirumong ake i ri nge a Jisas ile pakekere eve aposelre ole panongpolong nge i, na nge ile kimaing nge pen elonga. Na Luk i wat ile erere or aini aken a Tiopilus nge. (Aro o thepol ritetong ako i voth a mukaling nge Panongpolong Sivenga ako Luk i wat i.) Na Pakekere Ole Omaing i ritet nge toko lemioongare ole lotu ile velpoling ako i patea ako a Jerusalem na i es mun a Samaria na i pavuralo pen elonga ake ru a ulue. (1:8) Na erere ake i ritet nge toko lemioongare ole lotu ako i velpol a Jisas ile los wereraing kime. Na Judare olemio tel nge a Jisas, lamo Oni Riringa i esu ma i rero or. (2:1-41) Aveto Jisas ile Panongpolong Sivenga ini Judare oenga ole avele. Avele, Oni Riringa i rero mun toko Samaria angare, nge ako olemio mun nge a Jisas, aken i pathengal it ako ve, God aro i pamimi mun or. (8:14-17; 8:25) Na Oni Riringa i rero mun areko or ini Judare avele mo aro i pathengal it ako ve, toko alavusnga ake ru a ulue o pavurvur aro o el mimiong ako aro ile vusonga avele, tova o olemio nge a Jisas. (10:1–11:18)
Na erere ake i ritet mun nge a Pol ile mimiong na ile omaing, ako i panongpol Panongpolong Sivenga nge pen elonga, na i panongpol areko or ini Judare avele, eneke Judare o lel okime nge Panongpolong Sivenga aken. Aken lemir mire nge pen areko Pol i es nge, lamako i wat werer malueng pelie a or nge. Na Luk i wat rirumong ake nge wop lemi ako Pol i voth a mang a midenga lemi ako a Rom, i pavurvur nge tovu po or aini. Na i toth ako aro Pol i mit nge riong, na Luk i sis ve aro i pathengal ako ve, Pol i oma vothung kerenga avele. Pol i voth a mang a midenga aken, eneke Judare oni plong nge Panongpolong Sivenga ako Pol i panongpol nge, aveto Pol i avsa Romre ole patorong e avele.
Obecnie wybrane:
Pakeke Ritetong nge a Pakekere Ole Omaing: mhb
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 1999, Wycliffe Bible Translators, Inc. All rights reserved.