Popularne wersety biblijne z Luˉka‸ li‸ 19

Udostępnij

Chaw yaˇ ve Yaˇ hpu lehˬ, mehˉ kʼai ve chaw hui hta‸ ca leh htaiˍ hkʼaw‸ yuˬ tuˬ laˬ ve yoˬ teh‸ Saˍkehˇ hta‸ kʼoˆ piˇ ve yoˬ.

Yawˇ hui kʼoˆ ve, Jawˇmawˇ Gʼuiˬsha ve awˬ meh awˬ hawˉ lo laˬ ve Hkunˉ hawˉ hkanˇ lehˬ, awˬ bon uiˍ piˇ-oˆ. Mvuhˇ naw ma hkʼoˆ lo dawˇ sha gaˇ sha tuˬ cawˬ piˇ-oˇ. Mvuh jaˇ kuiˬ lo awˬ me‸ awˬ hponˇ cawˬ piˇ-oˆ teh‸ kʼoˆ ve yoˬ.

Yeˍsuˆ kʼaw‸ kʼoˆ piˇ ve, Yehˬ chi teˇ yehˬ awˬ hkʼaw lo ya‸ nyi htaiˍ hkʼaw‸ ve teˇ ceuˬ gaˬ la peuˬ. Awˬ lawn kʼo, yawˇ htawˇ Aˍbraˍhanˍ ve yaˇ teˇ gʼaˇ hpeh‸ ve yoˬ.

Yeˍsuˆ oˇ kaˬ lo gaˬ la htaˇ yawˇ hta‸ chiˇ nyi leh kʼoˆ ve, Saˍkehˇ-oˬ, haˆ haˆ ya‸ la-o. Ya‸ nyi ngaˬ nawˬ ve aˉ hkʼaw lo gʼa haˉ la tuˬ yoˬ teh‸, yawˇ hta‸ kʼoˆ piˇ ve yoˬ. Oˇ htaˇ, Saˍkehˇ haˆ haˆ ya‸ la leh, ha lehˬ ha kʼa yawˇ hta‸ ha‸ yuˬ ve yoˬ.

Saˍkehˇ huˉ taˍ leh kʼoˆ ve, Jawˇmawˇ-oˬ, ngaˬ ve mawˇ jeˬ teˇ hkoˇ hkʼa gaˬ haˍ yaˇ gʼawˇ yaˇ hui hta‸ pehˬ piˇ tuˬ yoˬ. Chaw teˇ gʼaˇ gʼaˇ ve mawˇ jeˬ hta‸ ngaˬ heˍ caˇ taˍ peuˬ ve kʼo, awˇ pun ngaˬ kʼaw‸ piˇ tuˬ yoˬ teh‸, Jawˇmawˇ Yeˍsuˆ hta‸ kʼoˆ piˇ ve yoˬ.

Chaw awˬ moˍ lonˉ oˇ ve awˬ hkʼaw lo chehˇ ve Hpaˍriˍsehˇ teˇ hpaˍ hpaˍ lehˬ, Saˍ la‸-oˬ, nawˬ ve awˬ la‸ gʼawˇ teˇ hpaˍ hta‸ deˇ piˇ-oˆ teh‸ yawˇ hta‸ kʼoˆ piˇ ve yoˬ. Oˇ htaˇ yawˇ kʼaw‸ kʼoˆ ve, Ngaˬ nawˬ hui hta‸ kʼoˆ laˇ ve, chaw chi teˇ hpaˍ ta‸ iˉ chehˇ ve kʼo, haˉ pui shiˍ teˇ hpaˍ kuˬ tuˬ yoˬ teh‸ kʼoˆ piˇ ve yoˬ.