Popularne wersety biblijne z Yoˇhanˬ li‸ 12

Udostępnij

Ngaˬ ve kanˉ hta‸ te ve chaw teˇ gʼaˇ lehˬ, ngaˬ awˬ hkʼaˇ suh gʼa laˬ ve yoˬ. Ngaˬ chehˇ ve teˇ kaˬ lo ngaˬ ve kanˉ hta‸ te ve chaw htawˇ chehˇ tuˬ yoˬ. Ngaˬ ve kanˉ hta‸ te ve chaw teˇ gʼaˇ hta‸ Awˬ pa taˍ uiˍ taˍ mvuh piˇ tuˬ yoˬ.

A shu yawˇ ve a sha‸ hta‸ ha‸ ve chaw lehˬ, a sha‸ gʼa shonˇ tuˬ yoˬ. Chi miˬguiˬ hkʼoˆ lo a shu yawˇ ve a sha‸ hta‸ canˇ ve chaw lehˬ, co ti‸ ha ti‸ gʼa tuˬ awˬ pon a shu yawˇ ve a sha‸ hta‸ ha‸ shaˉ tuˬ yoˬ.

Ngaˬ nawˬ hui hta‸ awˬ tehˬ awˬ na kʼoˆ laˇ ve, caˬ yawˇ teˇ shiˍ miˬguiˬ hkʼoˆ lo maˇ ce leh, maˇ luˬ maˇ suh ve kʼo, awˬ yawˇ teˇ shiˍ tiˉ cawˬ chehˇ ve yoˬ. Ya‸ hkʼaˇ, luˬ kʼai suh kʼai ve kʼo, awˬ shiˍ maˇ maˇ naw‸ la ve yoˬ.

Ngaˬ hta‸ hkʼa yonˍ ve chaw hkʼa peu-eˬ naˆ ho‸ ve awˬ hkʼaw lo maˇ gʼa chehˇ tuˬ, ngaˬ lehˬ awˬ gʼeuˆ hpeh‸ leh, miˬguiˬ hkʼoˆ lo ya‸ la ve yoˬ.

Ngaˬ ve tawˇ hkawˇ hta‸ kaˇ leh maˇ na yuˬ ve chaw hkʼaˬ ve teˇ gʼaˇ maˇ kʼoˆ, ngaˬ yawˇ hta‸ suhˉ maˇ jehˬ. Awˬ lawn kʼo, miˬguiˬ yaˇ hui hta‸ suhˉ jehˬ tuˬ awˬ pon ngaˬ laˬ ve maˇ heˆ. Miˬguiˬ yaˇ hui hta‸ htaiˍ hkʼaw‸ tuˬ awˬ pon ngaˬ laˬ ve yoˬ.

Oˇ htaˇ Maˍriˆ lehˬ, awˬ hpfuhˇ hkʼaˆ jaˇ ve naˍduˆ teh‸ kʼoˆ ve naˍ manˇ hawnˉ teˇ chi law hta‸ yuˬ leh, Yeˍsuˆ ve hkui sheh hta‸ shehˍ piˇ ve yoˬ. Peuˬ leh, Maˍriˆ yawˇ ve uˉ hkeh mvuh yuˬ leh Yeˍsuˆ ve hkui sheh hta‸ shiˆ piˇ ve yoˬ. Naˍ manˇ hawnˉ oˇ ve awˬ shaˉ lehˬ, yehˬ teˇ yehˬ hkʼa peu-eˬ hawnˉ heuˍ lehˍ kʼai ve yoˬ.

Yawˇ hui lehˬ, tcuhˉ pui meuˇ awˬ kʼaˉ teˇ hpaˍ hta‸ yuˬ leh, yawˇ hta‸ ca ha‸ yuˬ tuˬ tawˆ kʼai ve yoˬ. Yawˇ hui kʼoˆ ve, Hoˍsaˍnaˍ,Jawˇmawˇ Gʼuiˬsha ve awˬ meh awˬ hkʼaw lo laˬ ve Iˉsaˍreˍlaˆ chaw hui ve Hkunˉ hawˉ hkanˇ hta‸ awˬ bon uiˍ piˇ-oˆ teh‸ kuˬ ve yoˬ.

Oˇ htaˇ Yeˍsuˆ kʼoˆ ve, Chaw yaˇ ve Yaˇ hpu awˬ me‸ awˬ hponˇ gʼa tuˬ ve awˬ yanˇ gaˬ la peuˬ.