Popularne wersety biblijne z YOHANE 6

Udostępnij

Yeso ghɔm bi pu gɑ: Myə̀ nə bɑ́ msɛ vɔk; mo yə e sɔ' bəm a bɑ jikǔ' tə gɔ kwi' yɛ e pɑ; mo yə e piŋ a, bɑ ji shyə tə gɔ la' kwi' yɛ e pɑ́.

Zhwenyə nə gə́ mo vɔk, bapnɑ tə́ ŋkwitə́ pɑ. Mghɔm myə gɑ̌ gɔm bi po a bɑ zhwenyə pú vɔk.

A shəŋ gɑ̀ po fǎ' tə́ m nə ghə yəŋ ywətsʉ yə a bɔptə a pɑ̀; po fa' m nə ghə ywətsʉ yə a shwə nə vɔk mama a, ywətsʉ yə Mú mo gɔ sɔ' hɑ bi po a, nə pa' a bɑ yʉ tə Ta yə e bɑ Si a bɑ e yap mtiŋ myə́ nə e.

Ywə yə Tá a shəŋ a bɑ gɑ mo yə ě yɔ Mú biŋ e a, vɔk mama pɑ́ bi e; a sɔ' jám e nə jʉɔjʉ̀m tyɛ'dzʉ́.

Yeso pa' bi pu gɑ: fa' Si bɑ nə piŋ mo yə e nthəm e a.

Guŋ pɔ awɛ pyə Tá hɑ wap bəm a gɔ sɔ' sɔ' bəm, a mo yə ě nəŋ sɔ' bəm a, ŋ də wa' e pɑ́.

Da' gɑ Simon Pɛtrɔ ghɔm bi e gɑ: Cyəpɔ pyə gɔ ghɔ m bi wɑ? Mghɔm vɔk mama bɑ́ bu.

Gɑ̌ bɑ́ msɛ vɔk myə a fi' fɑ kɛbəŋ a. Mo yə ě pfɑ msɛ bɔ a gɔ la' vɔk pɑ́ màmà. Msɛ̌ bɔ myə gɑ gɔ hɑ a, a piŋ bɑ́ bap nɑ́ a, yə pú hɑ gɑ́ dzʉ̌ nə gɛvɔk a.

Bi a pɑ sɔmmo lə sɔ' bəm tə́ a bɑ́ gɑ Tá yə e nthəm a, nə fəŋtə́ e nə sɔ', a nəŋ sɔ' jám e nə́ jʉɔjʉ̀m tyɛ'dzʉ́.

Nə pa' msɛ̌ Si, bɑ mo yə é fi' fɑ kɛbəŋ biŋ bɑ hɑ vɔk bi dzʉ̌ a.

Gɑ̌ bɑ́ msɛ vɔk.

A lə pɑ̌ po'o Yeso kwi msɛ̌, go'tə Si, gaptə́ bi pɔ pyə wap lə bɑ si a; biŋ gə pɑ̀ po'o nə bapgu hɑ bǎ yə́ wɑlə́ dəŋ yə ě kuŋ a. Wap lə cəŋtə jwyə, Yeso ghɔm bi pɑkhʉ̌ pyə gɑ: Po laktə́ mbo' myə́ tə̌ sɔmywə kɑ pǐ nə́.

Wap lə́ bɑ wap sɔp shyə tə ŋkhəm nə gwɛ a mstadə shwɔptɔ mghǎm bʉə kɑ mgham ntha lə, jɔ Yeso, e pɑwə giŋ dəm shyə lɑpʉə, bɑwə sɔ' m bə̌ŋ kənu' yap. Wap pwɔk, da' gɑ́ tə́ Yeso ghɔm bi pu gɑ: A bɑ a, ka po pwɔk.