Popularne wersety biblijne z Yuhanna 10

Udostępnij

Gujjo ɗon wara ngam wujjugo e mbarugo e halkugo. Min mi wari ngam haa yimɓe keɓa ngeendam, ɓe keɓa ɗam bee feecaare.

Min, mi gaynaako booɗɗo. Gaynaako booɗɗo ɗon hokka yoŋki muuɗum ngam baali mum.

Baali am ɗon nana sawtu am, mi anndi ɗi, ɗi ɗon tokko yam.

Mi hokkan ɗi ngeendam nduumiiɗam, ɗi kalkataa sam. Walaa mo jaɓtata ɗi diga juŋngo am.

Min, mi dammugal, to goɗɗo nastiri bee am, hisan. O nastan, o wurtoto, o heɓan nyaamdu.

Min, mi gaynaako booɗɗo, mi anndi baali am, baali am boo anndi yam.

Baabiraawo am mo hokki yam ɗi, ɓuri koo moy fuu maŋngu, walaa mo jaɓtata ɗi diga juŋngo Baabiraawo am. Min e Baabiraawo, min gootum.”

Bana no Baabiraawo anndiri yam, bana non min boo mi anndiri mo. Mi hokkan yoŋki am ngam baali am.

Walaa mo hoosata yoŋki am, ammaa min hokkata ki bee hoore am. Mi woodi baawɗe hokkugo ki, mi woodi baawɗe hoosititgo ki boo. Kanjum woni umroore nde Baabiraawo am hokki yam.”

Fahin Yeesu wi'i: “Gooŋga mi wi'ata on: Min, mi dammugal waalde baali.

Ammaa duroowo ngam ngeenaari, mo laataaki gaynaako, mo maraay baali, to o yi'i saafaandu ɗon wara, o wudinan baali, o doggan, o acca ɗi. Nden saafaandu hippoto baali, saŋkita ɗi.

Yeesu waɗi balndol ngo'ol, wi'i: “Gooŋga mi wi'ata on: Koo moy mo nastiraay waalde baali gal dammugal, ammaa o diwi kowaagol, o nasti, goɗɗo oo gujjo, jaɓtoowo.