Popularne wersety biblijne z SAN LUCAS 8

Udostępnij

Je trigo pajc huɨdi cähuɨ ma oyñaax huinnätzcujc, je' ajcxy huɨdi oy etz tudägy yjot yhuinma'ñ mɨɨdɨty. Chi je Dios y'ayuc mɨdohuɨ'my, e oñdägy'amy Dios y'ayuc ymayɨ̈y ma yjot yhuinma'ñ.

Je trigo pajc huɨdi tɨ cähuɨ apy'agujc, je' je' ajcxy huɨdibɨ mɨdoob, chi co ñɨcxnɨ jäydɨgooyñɨ Dios y'ayuc mɨɨd jotcujc'ájtɨn tzɨnaayɨn etz jugy'ájtɨn etz comeeñ'ájtɨn, e chi ca' Dios y'ayuc yhuɨ'my ma yjot yhuinma'ñ.

Je trigopajc huɨdi cähuɨ ma tzaajot, je' yɨ' ajcxy huɨdi je ayuc mɨdoob, chi cöbɨcy jotcujc, chi je' ca' ytictztɨgɨ̈y, tzojccɨ́xy y'ocmɨbɨcy, co agapxɨɨyb paaty chi ixmajtznɨ.

Chi Jesús ymɨnañ: ―¿Ma miich ajcxy je mmɨbɨ́jcɨn? Chi ajcxy yjanchchɨgɨygoty janch yhuinmay ajcxy ñayñɨmáayɨgɨxy miñ xyɨpy: ―Pɨn yëydɨjc jada jada' co je poj etz nɨɨ jɨɨguexy, etz yajhuäcxɨpy, etz ycapxycöbɨgyii.

Je trigo pajc tɨɨbɨ tügujc ycäy, je' je' jadu'n nej jäy huɨdi mɨdoob Dios y'ayuc, chi mɨc'amy ñiminyii je ca'oybɨ, e piibɨdzɨmdäy je Dios y'ayuc ma yjot yhuinma'ñ, ca'ydɨ mɨbɨc etz ca'ydɨ y'alma yajnïdzögyii.

Ca' ni pɨn ayüch tunɨpy e nɨcxy ycayajnejhuɨ̈y, ca' ni pɨn ti tunɨpy ameech e nɨcxy ycaniquëxɨ̈gy.

Co je töxyjäy jɨhuɨɨy co ca' coyüch yhuɨ'ma'ñ, chi nimiiñ janch tzɨyuuyb. Chi yhuindacy ma Jesús yhuinduu, chi capxpɨdzɨmy mayjäy'agujc ti ycɨxpɨ anajty co tɨ nïdoonɨ Jesús yhuitpa', e co anajty mɨc'amy tɨ chögy. Chi Jesús nɨmay je töxyjäy: ―Töxyjäy, tɨ mdzögy co tɨ xymɨbɨcyɨch, nɨcx jotcujc.

Chi ajcxy Jesús nimɨjhuägy, tijyücxy ajcxy nɨmaaygɨxy: ―¡Huindzɨn! ¡Huindzɨn! Cham ajt n'ocquiinɨm. Co Jesús oy ymäyhuijy, chi jɨjpcogapxɨɨy je poj etz je mejy co anajty chachmɨjjëtzpety ma barco. Chi je poj yhuäcxɨjptay, y'amoonday.