Popularne wersety biblijne z Génesis 7

Udostępnij

Ina quëran Siniorori Noi itapon: “Yaꞌipi ipora yaꞌhuëpisopita aꞌporinaco. Quëmasáchin nohuantërahuëso ninan. Napoaton iporasoꞌ, saꞌanëꞌquën chachin nanchaquë yaꞌconquë huachi. Huiꞌnanpitantaꞌ, saꞌinarë chachin yaꞌcoinaꞌ.

Pasa aꞌnatërápo shonca tahuëri isoroꞌpaꞌ iiri imotaton, napotërin.

Naporoꞌ Noisoꞌ, saota pasa piꞌi, cato yoqui, shonca canchisë tahuëritarin. Naporo chachin isoroꞌpaꞌ huëncharoatë pochin ninin. Marënta acoporo yaꞌhuërinsoꞌ, pipimiatërin. Naporahuaton inapaquëntaꞌ, iꞌ yaꞌcopinamën yaꞌhuërinso niiꞌsoatërin. Napohuachina, paꞌpi iꞌ isoroꞌpaquë anotimarin.

Noisáchin chaꞌërin. Panca nanchaquë yaꞌconpisopitarëꞌ, chaꞌërin. Aꞌnapitaso nipirinhuëꞌ, yaꞌipi taꞌhuantopi. Pëꞌtahuaroꞌsaꞌ, anpiantëhuanoꞌsaꞌ, niohuaratërinsopita, inapitanta yaꞌipi taquiitopi huachi.

Catapini shonca tahuëri tashirë chachin isoroꞌpaquë oꞌnamiatarin huachi.