Popularne wersety biblijne z Mateo 7

Udostępnij

»Janipa ri kajawax chiwe, chitz'onoj che ri Dios y kaya'i' chiwe; chitzukuj ruk' Rire janipa ri kajawax chiwe y kiriqo; chich'a'b'ej Rire y lik kixukajmaj loq.

Ma china ri kutz'onoj ri kajawax che, kuk'ul na; china ri k'o kutzukuj, kuriq na; y china ri kach'aw pan che ruchi' ja, kajaqi' na lo che.

»China k'u ri kataw re ri nutzij yey ku'an janipa ri kamb'i'ij, kanjunimaj ruk' jun achi lik k'o una'oj ma xutz'aq lo ri rocho pa'b'aj.

»Ek'u ri'ix chi'ana chike ri tikawex jela' pacha' ri kiwaj kaki'an rike chiwe. Ma e utaqanik wa' Rutzij Upixab' ri Dios tz'ib'ital kan kuma ri Moisés y ri q'alajisanelab'.

No'j ri okib'al y ri b'e ke'ek chi k'aslemal na jinta utaqexik, lik ch'uti'n uwach, yey na e ta k'i ri keb'ok b'i chiri'.

»Chixok b'i che ri okib'al ch'uti'n uwach. Ma ri okib'al y ri b'e ke'ek chi xib'alb'a' lik nim uwach, yey lik e k'i ri keb'ok b'i chiri'.

Ek'u ri' ri'ix tob' xa ix tikawex na lik ta utz ik'u'x, na ruk' ta k'u ri', kiriq uya'ik chomilaj taq sipanik chike riwalk'o'al. ¡Mak'uwari' ri Qaqaw Dios k'o chila' chikaj kuya chomilaj taq sipanik chike ri ketz'onow re che!

»Mi'an ri xa piwe ri'ix kixu'an aj q'atal tzij pakiwi jujun chik, cha' jela' na kaq'at ta tzij piwi ri'ix. Ma e ru'anik kiq'at tzij ri'ix pakiwi jujun chik, jela' ku'an ri Dios piwi ri'ix; ma ruk' ri pajb'al kixpajan wi, ruk' la' kixpaj wi ri'ix.

No'j k'u ri kuta ri nutzij yey na ku'an ta janipa ri kamb'i'ij, kanjunimaj ruk' jun achi na jinta una'oj, ma xu'an ri rocho pa sanyeb'.

»¿Su'chak e lik katzutza' ruk'aj che' k'o chupa ruwach rawatz-achaq' yey e na katok ta k'u il che resaxik ri che' q'eb'el chupa rawach ri'at? Y we q'eb'el la jun che' chupa rawach ri'at, ¿utz nawi kab'i'ij che rawatz-achaq': “Chaya'a luwar chwe kanwesaj la jun uk'aj che' k'o chupa rawach”? ¡Na utz taj!

»Lik chichajij iwib' chikiwach ri kakib'i'ij e q'alajisanelab' re ri Dios yey xa e sokoso'nel. Ma wa' kek'un iwuk' ri'ix lik chakojo' utz kik'u'x, no'j chupa ri kanima' xa pacha' e utiw lik e b'iq'onel. Ek'u ri'ix kiweta'maj sa' ri k'o pa kanima' ri tikawex ruma ri kaki'ano, we utz o na utz taj. »E pacha' taq ri che': ri k'iix, na uva ta rujiq'ob'alil kuya'o; yey ri xulukej, na higos ta rujiq'ob'alil kuya'o.

Jek'ula' juna chomilaj che', lik chom rujiq'ob'alil kuya'o; no'j ri che' na chom taj, na jinta uchak rujiq'ob'alil kuya'o.

Ri chomilaj che' na ub'e taj we na chom ta rujiq'ob'alil kuya'o; jek'ula' ri che' na chom taj na kuya ta ujiq'ob'alil chom.

Yey ronoje che' we na chom ta rujiq'ob'alil kuya'o, kachet b'i y kaporox pa aq'.