Popularne wersety biblijne z Mateo 5

Udostępnij

Yey na utz tane catzij juna ak' y cach'uk uwi' ruc' juna mulul re pajbal, ma ri ca'an che e caya'i' lo chupa ruc'olibal chicaj cha' jela' cutzij quiwi' conoje ri e c'o pa ri ja. Jec'ula' ri'ix, ix k'ijsak chiquiwach ri ticawex cha' caquil ri chomilaj chac qui'ano y jela' e caquiyac uk'ij ri Kakaw Dios c'o chila' chicaj.

»Ri'ix ix k'ijsak che ruwachulew. E juna tinamit c'o lo chwi juna juyub na utz taj quewaxic.

Nim quik'ij calaxic ri u'anom chom ri canima' chwach ri Dios, ma rique caquil na uwach ri Dios.

Nim quik'ij calaxic ri lic cacha quic'u'x che utzukuxic ri jusuc' binic silabic chwach ri Dios, ma ri Dios e caya'w wa' chique.

»No'j ri'in cambi'ij chiwe: C'ax chebina'a ri e aj retzelal c'u'x chiwij. Chitz'onoj ri rutzil uc'u'x ri Dios paquiwi ri caquitz'onoj ri na utz taj piwi ri'ix. Chi'ana ri utz chique ri tzel quebilow iwe. Chi'ana c'u orar paquiwi janipa ri caquic'ak bi ik'ij y ri quixquiternabej ruc' c'axc'obic

«Nim quik'ij calaxic ri caqueta'maj lic chirajawaxic ri Ruxlabixel ri Dios chique, ma rutakanic ri Dios petinak chila' chicaj cu'ana que.

Nim quik'ij calaxic ri caquitzucuj utzil chomal chiquiwach, ma cabi'x chique rique e ralc'o'al ri Dios.

Nim quik'ij calaxic ri quebok'ic, ma ri Dios e cabochi'in quic'u'x.

Nim quik'ij calaxic ri queternabex ruc' c'axc'obic ruma ri caqui'an ri jusuc' chwach ri Dios, ma rutakanic ri Dios petinak chila' chicaj cu'ana que.

Nim quik'ij calaxic ri caquic'ut ri c'axna'bal quic'u'x chique jujun chic, ma ri Dios cuc'ut ri c'axna'bal uc'u'x chique rique.

»Nim ik'ij iwalaxic ri'ix echiri' wuma ri'in quixternabex ruc' c'ax, cac'ak bi ik'ij y cabi'x ronoje ri na utz taj chiwij yey wa' xa rak'ubal. Chixqui'cotok y chixbixonok, ma lic nim ri rajil uc'axel quic'ul chila' chicaj. Macam c'u iwanima' che echiri' quixya' pa c'ax, ma jela' x'an chique ri k'alajisanelab ojertan, ri xenabej lo chiwach ri'ix.

Nim quik'ij calaxic ri qui'anom ch'uti'n che quib chwach ri Dios, ma caya' na chique, ri luwar ubi'tisim chi ri Dios.

»Wara che ruwachulew ri'ix lic quixajawax chique ri ticawex jela' pacha' ratz'am lic cajawaxic. Yey we xsach rutzayul ratz'am, ¿su'anic tanchi ca'an tza che? Ri' na jinta chi c'ana uchac; que'c'ak c'u bi y caxajaxo'x can uwi' cuma ri ticawex.

Chi'ana c'u jusuc' che ri ibinic isilabic jela' pacha' ri usuc'liquil ri Kakaw Dios c'o chila' chicaj.

E chibi'ij ri jusuc'. We lic katzij, xew chibi'ij: “Katzij.” We na katzij taj, xew chibi'ij: “Na katzij taj.” Ma ri cacoji' uwi' ri cabi'xic, wa' ruc' ritzel winak petinak wi.

»Ri'ix itom ri xbi'x lo ojertan: We c'o junok cupuch' rawach, ri' takal che capuch' ri ri're. We c'o junok cutor bi juna awe', ri' takal che cator bi ri ri're. »No'j ri'in cambi'ij chiwe: Mi'an uc'axel che ri cu'an ri na utz taj chiwe. We c'o c'u junok cupach' k'ab xe' awe' pawiquik'ab, chaya'a luwar che cupach' ri pa mox.

»E uwari'che, we e rawach uwiquik'ab ri catzakisan awe pa ri mac, chawesaj y chac'aka bi; ma xa ne cuya ri' e cajam jun che rawach, chwa ri catc'ak bi ruc' ronoje racuerpo chi xibalba' re tijbal c'ax. We e rak'ab uwiquik'ab ri catzakisan awe pa ri mac, chak'ata' y chac'aka bi; ma xa ne cuya ri' e cajam jun che rak'ab, chwa ri catc'ak bi ruc' ronoje racuerpo chi xibalba' re tijbal c'ax.