Popularne wersety biblijne z Mateo 12

Udostępnij

»Ri'in cambi'ij c'u che alak: Chupa ri k'ij re ri k'atbal tzij, chiquijujunal ri ticawex cata' quichi' ruma ronoje ri ch'ulilaj ch'a'tem quel lo chwa que'. Ma chijujunal alak, we utz ri ch'a'tem alak, ri' cak'alajinic alak jusuc'; no'j we na chom ta ri ch'a'tem alak, ri' cak'at tzij pawi' alak» xcha'.

¡Ralak pacha' alak jupuk chi cumatz! ¿Su'anic c'u ri' cach'a'tibej alak ri utz we itzel c'u'x alak? Ma ruc' ruch'a'tem ri ticawex cak'alajin ronoje ri uc'olom chupa ri ranima'.

Jec'ula' e junok utz uc'u'x, echiri' cach'a'tic, e caresaj lo ri chom uc'olom chupa ri ranima'. Yey e junok itzel uc'u'x, echiri' cach'a'tic, e caresaj lo ri na chom taj uc'olom chupa ri ranima'.

»E uwari'che cambi'ij che alak: C'o puk'ab ri Dios cucuy ronoje tak ri mac que ri ticawex ruc' ronoje tak ri na utz taj caquibi'ij, no'j na cucuy ta umac ri cach'a't chirij ri Ruxlabixel ri Dios.

»E juna chomilaj che', lic chom rujik'obalil cuya'o; yey ri che' na chom taj, na chom ta rujik'obalil cuya'o. Ma ri che' queta'max uwach ruma rujik'obalil.