Popularne wersety biblijne z Gn 21

Udostępnij

Axca max yun yalon Jehová Dios bay xal Sara, tol ok jay jun is yune', cayton tu' max yun yion el ba tzet max yal Cham.

Max yab Dios yok' c'apax aj nak unin tu'; atac'al bay satcan max k'anjab aytek cham yángel Dios bay ix Agar tu', max yaloni: ¿Tzet chach on Agar? C'am chach xiwi, a Dios mayal yab yaj yaw nak unin bay max ak'can tu'. Asi', il nak unin tu', cheon aj wan nak, cax cha mimanc'ulneni, yujtol ayin ok in watx'nej jun miman nación yin nak, ẍi Cham, ẍi jun ángel tu'.

Yuj tu' max oc xal yobixal, max jay jun is yune' yet caw ichamxa Abraham tu'. Max alji nak unin tu' axca wal is tiempoal albilcan yuj Dios.

Max naon ba c'ul xal Sara, max yaloni: Max quin yak' tzewok co Mam Dios; masanil eb chi aben tol ayxa wune', ok tzewok eb wetok, ẍi xal.

Axa Dios max alon bay cham: Manchak tac a c'ul yuj nak unin ti', c'al yuj ix a chekbej ti'. Ikej masanil tzet chi yal Sara tu', yujtol a yin nak Isaac, a tu' ok beyc'altok enatil, axca max yun walon ayach.

A pax nak yune' ix mosejal tu xin, ayin ok in watx'nej jun miman nación yin is yinatil nak yujtol a c'ajol nak, ẍi Dios.