Popularne wersety biblijne z Chapletajic 15

Udostępnij

Ri Abram xcojon che ri Ajawaxel, rumal ri' ri Ajawaxel xuc'amowaj jacha' suc'.

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Ri Ajawaxel xuc'am bic ri Abram cho ja, xubij che: “Chatca'y chicaj, chebawajilaj ri ch'imil we catcuinic. Jewa' ri qui q'uial ri e awija'lil.”

Ri Ajawaxel xutzelej u bixic che: “Ri quechben na ri jastak awech are ri kas a c'ojol, man are ta jun ri man a winakil taj.”

Xubij c'u ri Ajawaxel che: “Rajawaxic cawetamaj chi ri e awija'lil quequirika' na c'ax pa jun ulew chic, queboc na che lok'om tak pataninelab, quiejeb sient (400) junab cäban na c'ax chque.

Ri Abram xutzelej u bixic che: “Ajawaxel ri c'o takanic la puwi' ronojel, ¿jas cupatanij chwe chi cäya' la tojbal wech, eta'm ya' la chi man c'o ta nu c'ojol? Ri quechben na ronojel ri jastak wech are' ri Eliezer ri aj Damasc jun chque ri pataninel wech, rumal rech chi man c'o ta nu c'ojol yo'm la.”

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Oc'owinak chi quiejeb sient (400) junab quetzelej na ulok ri e awija'lil pa we c'olbal ri', maja' c'u caquitz'akatisaj u banic ri quetzelal ri aj amoreyib.”