Popularne wersety biblijne z Aphutna 6

Udostępnij

Phil chunga miring ei sin sika Zehova chu ansīr a, a malung a nā na.

Hatuka phil chunga hin achālaka miring siatna lē a malung vong mandon u dōra chu āsia chian kēng a ni zei, tī hi Zehova'n a mū na.

Tenchu Zehova mitmūna Noa chu lungkhamna a chang a.

Hivā hi Noa khūk ngāi rachī chu a ni, Noa chu mīdik lē a ruola mi ngāi bila satanzui a ni. Ama chu Pathian le han kal a chōi a.

Hasikhan Zehova'n, “Miring kei sin chu hi phil chung ātā masiat ka ting. Miring lē ran ngāi, phila ālōn ngāi lē chunga va ngāi chu masiat ka ting. Asik chu amāni kei sina hin kā'n sīr a,” a tī na.

Hatuka hintin hin a hong ānī na, phil chunga miring ngāi chu a pung tir u le chu, amāni ranga nāinupang ātampā a hong ānzir a. Pathian nāipasal ngāiin, miring nāinupang ngāi mēl chu asāna a mū u na. Amānī'n ei zōt u ngāi tak a nungāk ranga a lāk u na. Zehova'n, “Ka Rathā hi miring kōma kumkhuona om nō ni, asik chu ama hi taksā a ni. Hanum ni rase ama a damsūng nī chu kum 120 nī'n ti,” a tī na. Hava hunlāia han phil chunga hin milianpā ngāi a om u na. Hava suonā'm, Pathian nāipasal ngāiin miring nāinupang ngāi kōma a hong u na, amāni ranga nāi a nei u na. Hava ngāi ha tianlāia miring ranakanei, raming anthang ngāi a ni u na.

Hantin han Noa'n a thō na. Pathianin chong ei pēk anga aloma a thō kiar a.

Pathianin Noa kōma, “Taksā dōn tin ei hekna rang hun chu ka makunga a hong ātung zei, amāni sika phil chunga sukansuonnāna ābit a ni zei. En ro, amāni chu phil le anlopa masiat u ka ting.

Nangin gofer thing le han rakuongpui khat sin ro. Rakuongpuia tadan ngāi sin ro, asūng lē apang tiang hāngnāt le han pelē ro.

Hankēng Pathianin phil hi a thīr a, entā, phil chu poransom a ni zei a. Asik chu phila taksā dōrā a omdān u chu poransom a ni u zei.

Taksā dōn nukanei tin ātā na bila ādam ranga, a chī ang chipa anni senga rakuongpuia nei hong chōi rang, atang lē anupang ei ni u rang.