Popularne wersety biblijne z Etandiha 3

Udostępnij

Omuhasi ni gabona ehibala hyʼomusaala ni hiboneha bulaŋi era ni hisaanira ohulya nga gegomba ohuhirya olwohuba hyali hireeta amagesi, kale nga anoga alya. Ngʼaŋaho ni wamwe yeesi owaali ŋalala ni naye.

MUSENGWA Hatonda gatonda esolo josijosi aye omusota gwali mugesigesi ohuhira josijosi. Ngʼaŋo lulala guloma omuhasi guuti, “Kaho Hatonda galoma ati, ‘Simulyanga hu bibala byʼomusaala gwosigwosi hu misaala jomu ndimiro’?”

Era nja hutaaŋo obulabe ŋagati wuwo nʼomuhasi, naŋagati wʼolulyo lulwo nʼolwomuhasi. Omwana wuwe aja hutetenula omutwe gugwo era weesi oja hubbonja ehibbonje hihye.”

Ngʼaloma omuhasi ati, “Nja huhwongeraho obulumi nʼosaala era oja husaaliranga mu bulumi. Onaŋembenga hu wamwo era aja huhuŋuganga.”

Onahahaluhanenga era watuyaana ko wasuna ehyohulya ohwola olu olyagama mwiroba, olwohuba omwo pomu waŋwa. Era olwohuba oli loba, mwiroba muweene omwo pomu olyagama.”

Ngʼaloma Adamu ati, “Olwohuba oŋulirihiise omuhasi wuwo, walya hu hibala hyʼomusaala ehi nahugaana, hu lulwo eroba lisunire ehiŋwabo. Onahalabanenga ko wasuna ehyohulya endaalo josijosi ejʼobulamu buwo.

Ngʼamubuusa ati, “Omanyire otye oti oli majula? Oliiye hu bibala byʼomusaala ogu nahugaana ohulyaho?”

Oluvanyuma lwʼohubbinga omuutu mu ndimiro Edeni, Hatonda gaata ebuŋwalyuba wʼendimiro abakerubbi nʼepiima emasamasa ni yetala, ohuhuuma omuutu ohutalya hu musaala oguleeta obulamu.

Ebyo ni baŋwa, ngʼAdamu aguliha omuhasi wuwe esiina ati Kaawa, olwohuba gaali aja hufuuha nyina wʼabaatu bosibosi.