Popularne wersety biblijne z โยฮัน 12

Udostępnij

ดัฮ ซือมียา ดีฮา นะ บือกรือฌา ตูโลก กู_ ซือมียา อีตู เตอ_ ฆาโดฮ ตูโรจ กะ กู เลอ. กู ดูโดะ ปัจ ดีฮา_ ซือมียา บือกรือฌา ตูโลก กู โปด_ ญา นะ ดูโดะ ปัจ อีตู ฌูฆา เลอ. ซือมียา ดีฮา บือเลฮ บือกรือฌา ตูโลก กู_ อาโปก เดะ อาตัซ นะ ปูฌี กะ ซือมียา อีตู.”

ซือมียา นู ซายัก กะ อีซี ญาวา ตะอาซิก เตอ_ ญาวา ญา นะ ฌาฮานัม เลอ. ตาปี ซือมียา นู บือชี กะ อีซี ญาวา นะ ญา_ เดะ ดือนียา อีนี เตอ_ ญา นะ ฌาฆา ญาวา อีตู_ ปี รอจ กะ ลาฆู ฮีโดะ ซูโงฮ นู ซือลาลู เลอ.

กู มือญาเระ ลาฆู นู ซูโงฮ กะ กาเญา จะ_ ดัฮ บีฌี ปาดี เตด ฆูโฆยํ เดะ ตานัฮ_ ฌู บูโระ เตอ_ ญา นะ ฌาดี แนฮ ซา บีฌี อีตู เลอ. ตาปี ดัฮ ญา บูโระ ปี ดัฮ_ ญา นะ บือตูโมฮ_ ฌาดี บาญะ บีฌี ปูลัก.

กู นี_ บือเลฮ มาแรฮ กะ ดือนียา_ บรี ฌาดี ตือปัจ จรัฮ_ บีดา ราตา ซือมียา นู ปือจายา กะ กู_ ญา นะ เตด ปายัฮ ดูโดะ โซะ กือลับ เลอ.

ดัฮ ซือมียา ดีฮา_ บือเลฮ ดืองัยํ ปือมือเลา นะ กู_ ตาปี ญา เตด บูวัจ ตูโรจ_ กู โปด_ เตด กรัจ ฮูโกบ ซือมียา อีตู. ซาเบะ จะ_ กู เตด บือเลฮ มาแรฮ บีดา กรัจ ฮูโกบ ดือนียา_ ตาปี มาแรฮ บีดา นะ ตูโลก โกะ ซือมียา เดะ ดือนียา_ บรี ฮีโดะ ลือปัซ บาฌิ เลอ.

มารียา ญา อาเมด มีญะ บาวู ปือนามา นาระดา_ ฌาดี มีญะ บาวู นู บาฌิ_ รือฆา มาฮัน โตระ_ บรัจ บือเลฮ ฆามะ ตืองัฮ กีโล เตอ. มีญะ อีตู_ ญา อาเมด มาแรฮ ลือมัยํ เดะ กากี นะ เยซู. ญา อาเมด โบะ นะ ญา_ มาแรฮ อีซุจ เดะ กากี นะ เยซู. เดะ รูมัฮ โปด_ บือบาวู บาฌิ_ ฌางัน มีญะ บาวู อีตู.

กะฆีเตอ_ กูญา ปาคัจ อาเมด โกะ ดาฮัด ปูโฮด กายู ตรือเบะ ปี ซาโมจ เยซู_ บือซูระ จะ_ “ โฮซันนา ปูฌี กะ ตูฮัด เลอ. ซือลามัจ เลอ_ ซือมียา นู มาแรฮ เดะ ปือนามา นะ ตูฮัด เดะ อาตัซ . ซือนัง ซือลามัจ เลอ_ ราฌา นะ ลูมอฮ บักซา อิซราเอน.”

เยซู ตีกัฮ กะ กูญา จะ_ “รอจ วะตู ดัฮ_ นู โกะ ซือมียา นะ บือเลฮ ลีฮัจ จะ_ กู นู นานะ นะ อูมัจ ซือมียา อีนี_ นะ กือนา อาเกะ บรี บือซรี บือซายา เลอ.