Popularne wersety biblijne z ลามูลา 7

Udostępnij

กะฆีเตอ_ ตูฮัด บือซัยํ เดะ อาตัซ_ ญา มือเลา ฌางัน โนอา จะ_ “กู ลีฮัจ จะ_ เกา เลอ_ นู ฌาดี ซือมียา บาฌิ ตือปัจ เดะ กาลา อีนี. กะฆีเตอ_ เกา มาโซะ ปี กะ ดาลับ กาปัน บือซัยํ อีนี_ ซา เกา ฌางัน นะบรานะ นะ เกา ซือมูฮา.

กะฆีเตอ_ อาเย อาโปฮ ดือนียา_ เตด กริก_ รอจ กะ ซือราตุซ ลีมา ปูโลฮ (150) อารี.

ตานา โนอา อูมอยํ นัม ราตุซ (600) ตาโฮด ดัฮ_ เดะ บูลัด ดูวา_ อารี ตูโฌฮ บือลัซ เตอ_ อารี อีตู เลอ_ มาตา อาเย เดะ บาวัฮ ตานัฮ เตอ_ ญา ซือบุยํ อาเย ตรือเบะ บาญะ. เดะ อาตัซ ลาแงะ โปด_ บูกา จือลัฮ ดัฮ.

กะฆีเตอ_ ตูฮัด บูวัจ บรี บือนา ฮีโดะ ซือมูฮา เดะ ดือนียา ฌาฮานัม ฮาบิฮ ดัฮ_ โกะ ซือมียา เตอ_ โกะ บือนาตัก โปด_ โกะ บือนาตัก มือรากะ ฌูฆา_ โกะ บูโรก เดะ ลาแงะ เตอ_ ลูมอฮ อีนี ซือมูฮา_ ฌาฮานัม ฮาบิฮ_ เดะ ดือนียา ดัฮ. อาดา ซา โกะ โนอา_ ฌางัน โกะ ลูมอฮ นู ดูโดะ บือซามา ฌางัน ญา_ เดะ ดาลับ กาปัน เตอ_ ลือเบฮ ซา กูญา อีตู เลอ_ นู ลือปัซ เดะ อาเย อาโปฮ ดัฮ.

อาดา ฮูฌัด ตูโตฮ เดะ ดือนียา_ บาญะ_ ปัจ ปูโลฮ อารี_ ปัจ ปูโลฮ มาลับ.