Popularne wersety biblijne z Markos 5

Udostępnij

Pero kinagi nikuna ni Jesus, “Anak, pinagpiyya ka nu pánnampalataya mo. Kadmudán sakay pamayapaan mo isip muwe. Nagpiyya ka dán.”

Kaguman be hod tu mamággálditan u essa a bábbey a sapulo ay ti duwwa dán a taon a mágdadigiyán. Makpal a hirap u nadanas na tu págpagamot na tu sari-sare a mággamot. Naubus na dán u atanan a ari-ariyan na tu págpagamot, pero awan nagpiyya nan lalu pa a himmigpit u saket na.

Pagdaka ngani a ummimang u págdigi na sakay naramdaman na a nagpiyya dán siya.

Tinawiden ni Jesus u kamát nu anak sakay kinagi na, “Talita koum,” u gusto na a kagiyán ay “anak, umikat ka!”

Mentaras a kauhunán ni Jesus u bábbey ay dimmemát u sangan a tolay a gábwat tu bilay ni Jairo. Kinagi de ni Jairo, “Patay dán u anak mo. Dyan mo dán abalaán i maistuwe.” Pero awan pinansin ni Jesus u kinagi de. Nan kinagi na ni Jairo, “Dyan ka manteng, sumampalataya ka la.”

Kinagi na iye dipo inyutus ni Jesus, “Madukás a ispirito, lumakad ka ti tolayan iye!” Tinanung siya ni Jesus, “Ánya ngahan muwáy?” “Kakáppalan, u ngahan ko dipo makpal kame,” kagi na.