Popularne wersety biblijne z ମାଥିଉ 12

Udostępnij

ମ୍‍ତର୍ ମୁଇ ତୁମୁକ୍‌ମ୍‌ନ୍ କ୍‌ମ୍‌ଲେ ମାନାଇ ମନ୍ ଯାଇରି ହେଁ ବଡ୍ କ୍‌ତା କ୍ଉତି, ବିଚାର୍‌ ଦିନ୍ ସେମ୍‍ନ୍ ସେତିର୍ ଉତର୍ ଦେତି। ସେତି ମାପ୍‌ରୁ ଗଟେଲକ୍‌କେ ତାର୍ କଇଲା କ୍‌ତାର୍ ହର୍‌ ବିଚାର୍‌ କ୍‍ରି ତାକେ ଦସି କି ନିର୍‌ଦଷି କ୍‍ରେଦ୍।”

ତୁମିମ୍‍ନ୍ ବିସ୍ ରିଲା ସାହାର୍ ହିଲାହର୍, ତୁମିମ୍‍ନ୍ କ୍‍ରାପ୍ ଅଇ କ୍‍ନ୍‍କ୍‍ରି ବ୍‍ଲ୍‌କ୍‍ତା କ୍‍ମ୍‍ହାରାସ୍? କାଇତାକ୍ ମନ୍ ବିତ୍‌ରେ ଜୁଇରି ବର୍‍ତି ରେଇଦ୍ ହାଇରି ଟଣ୍ତ୍ ବାଟ୍ ବାର୍ ଅଇଦ୍।

ଗଟେକ୍ ବ୍‍ଲ୍ ଲକ୍ ବ୍‍ଲ୍ ମନ୍ ବିତ୍‌ରେ ହଣି ବ୍‍ଲ୍ ବିଷୟ୍ ବାର୍ କ୍‍ରେଦ୍, ଆର୍ ଗଟେକ୍ କ୍‍ରାପ୍ ଲକ୍ ତାର୍ କ୍‍ରାପ୍ ମନ୍ ବିତ୍‌ରେହ୍‌ଣି କ୍‍ରାପ୍ ବିଷୟ୍ ବାର୍ କ୍‍ରେଦ୍।

ଜ୍‌ନ୍‌କ୍‌ରି, ମୁଇ ତୁମୁକ୍‌ମ୍‌ନ୍ ସ୍‌ତ୍ କ୍‌ମ୍‌ଲେ, ମାନାଇର୍ ସ୍‍ବୁ ପାପ୍ ଆର୍ ଲିନ୍ଦାକ୍‍ତା କେମା ଅଇଦ୍, ମ୍‍ତର୍ ପବିତର୍ ଆତ୍ମାର୍ ବିରୁଦେ ଲିନ୍ଦା କ୍‌ର୍‌ତା ଲକ୍‌ମ୍‍ନ୍‌କେ କେମା କ୍‍ରା ନ୍‌ଅଇଦ୍।

ଯୀଶୁ ଆରି ତରେକ୍ କଇଲା, “ଗ୍‌ଚ୍‌କେ ବ୍‍ଲ୍ କ୍ଉଆ ଆର୍ ତାର୍ ହ୍‌ଳ୍‌କେ ବ୍‍ଲ୍ କ୍ଉଆ। ଯଦି ଗ୍‌ଚ୍ କ୍‍ରାପ୍ ରେଇଦ୍, ତ୍‍ବେ ତାର୍ ହ୍‍ଳ୍ ହେଁ କ୍‍ରାପ୍ ରେଇଦ୍, କାଇତାକ୍ ହ୍‌ଳ୍‌କେ ଦ୍‍କି ଗ୍‌ଚ୍‌କେ ଚିନି ଅଇଦ୍।