Popularne wersety biblijne z Gẹnẹsis 17

Udostępnij

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia

A i ghi ra gha tie ruẹ Ebram ọvbehe sokpan Ebraham. Ọna ọre ọ ghi re eni ruẹn rhunmwuda, I ra ya a ru erha odede ọghe okpẹvbo nibun.

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

“Ile ne I ra gue ta ọna khin: I yan rẹn wẹẹ, erha odede ọghe okpẹvbo nibun ọre uwẹ khian gha khin.

Sokpan Osanobua tama rẹn wẹẹ, “U baeku, Sera ne amwẹ ọn gha biẹ ọmọ okpia nuẹn, wẹ ghi he ẹre Aizik. I gha ye ile ne I tae rre vbe ẹghẹ ọre kevbe ọghe uniẹn ọnrẹn, ile etẹbitẹ nọ.

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Ebraham keghi diguẹ mu aro rhuotọ, sokpan ogiẹ keghi fẹe vbe ọ ghi ro ẹre wẹẹ, “Ọmwa gha ye sẹtin biẹ vbe ọ sẹ ukpo iyisẹn nẹ? E Sera gha ye sẹtin biẹ vbe ọ sẹ ukpo ekigbesiyisẹn nẹ?”

Osanobua keghi tama Ebraham wẹẹ, “Ghẹ ghi tie amwọn Serai ọvbehe, Sera ọre a ghi tie ẹre.

Ke ẹghẹ na kpao, te u gha rhuẹ emọ ikpia ruẹ hia vbe ọ gha sẹ ọmọ ikpẹdẹ erẹnrẹn nẹ, kevbe eviẹn ne a biẹe vbe owa kevbe ne a dẹlẹ ke ore rre, vbe obọ avbe orhunmwuyẹn. Ọna ọre ọ gha rhie ma wẹẹ, mẹ vbe uwa gba ta ile.

U tama mwẹ nẹ wẹ ne I gbe ebe gue Ismẹl. Emwi ne I ra ru ọre ọna khin. I gha fiangbẹe, I gha viọ emọ kevbe uniẹn nibun nẹẹn. Rẹn gha khian erha ivbiọba iweva, I ghi vbe ye uniẹn ọnrẹn ru okpẹvbo ne ọ kpọlọ. I gha ya ile ne I tae rre vbe egbe Aizik ne ovbuẹ ne Sera ra biẹ vbe omwa ẹghẹ na vbe ukpo ne ọ dee.”

Ke ẹghẹ na kpao, te u gha rhuẹ emọ ikpia ruẹ hia vbe ọ gha sẹ ọmọ ikpẹdẹ erẹnrẹn nẹ, kevbe eviẹn ne a biẹe vbe owa kevbe ne a dẹlẹ ke ore rre, vbe obọ avbe orhunmwuyẹn. Ọna ọre ọ gha rhie ma wẹẹ, mẹ vbe uwa gba ta ile. Te a gha rhuẹ dọmwadẹ ọghọe, ọna ghi gha re ama vbe egbe uwa ne ọ rhie ma ile ne I gu uwa ta, ọghe ẹdẹdẹmwẹdẹ nọ.