Popularne wersety biblijne z मरकुस 6

Udostępnij

बल्ति ईशु ने वानु केहले, “आवा माये लारे कुई हेकली जग़हा मां चाह्‍ला ते थोड़ा जा आराम करा।” कांकि ओठे घणा बन्दा चे आणे-जाणे लाग़ले भिलते ले ते वानु रोटी खाणे चा वी मौका ना मिलता।

ईशु ने वानु केहले, “भविष्यवक्‍ता चे आपणे देश, ते आपणे कुणम्बे, ते आपणे घरा नु छोड़ती नेरे किठी वी निरादर ना हुवी।”

ईशु ब़ेड़ी कनु उतरती कर बङी भीड़ ङेखली। तां वांचे उपर तरस खाला कांकि वे वां भेङा आलीकर हुते, जाया कुई आजड़ी ना हो, तां ओ वानु ब़ोहत सारीया बाता सिखाऊं लाग़ला।

ओ ओठे कुई सामर्थ चे काम ना कर सग़ला, सेर्फ थोड़े जा बिमारा उपर हाथ मेहलती कर वानु ठीक करले। ते ओनु वांचे अविश्‍वास चे उपर अचम्भा हुला, ते ओ चारो-तरफ चे गांवा मां उपदेश करता फिरला।

ते ओणे वे पाँच रोटीया ङोन माछलीया नु चले ते स्वर्ग़ा सनु ङेखती कर नरीकारा चा धन्यवाद करला, रोटीया भान्ती-भान्ती कर चैला नु ङिता गेला कि वे लौका नु खाणे वास्ते ङियो, ते वे ङोन माछलीया वी वां सब मां बांटती ङिलीया। सब खाती कर रज़ती गेले ते चैला ने रोटीया लारे ब़ारहा टोकरे भरती कर चले, ते कोच्छ माछलीया कनु वी।