Popularne wersety biblijne z यूहन्‍ना 15

Udostępnij

“मैं अंगूरा ची बल्ह छै, तम्ही लड़ीया छिवा। अगर तम्ही माये मां बणले रिहा ते मैं तम्चे मां, ते ओ घणा फल फले। कांकि तम्ही माये कनु अलग़ हुती कहीं वी ना कर सग़ा।

तम्ही माये मां बणले रिहा, ते मैं तम्चे मां। जिंवे लड़ी अगर अंगूरा ची बल्ही मां बणली ना रिहो तां आपणे आप ना फल सग़ी। यूंही तम्ही वी अगर माये मां बणले ना रिहा तां ना फल सग़ा।

अगर तम्ही माये मां बणले रिहा ते माया वचन तम्चे मां बणला रिहो, तां जको चाहवा मांगा, ऊं तम्चे वास्ते हुती जई।

“तम्ही मनु कोनी चुणले, पर मैं तम्हानु चुणले ते तम्हानु नियुक्‍त करले कि तम्ही जती कर फल आणा ते तम्चा फल बणला रिहो, कि तम्ही माये नांवा लारे जको कोच्छ ब़ा नरीकारा कनु मांगा, ते ओ तम्हानु ङिही।

ऐकनु बङा प्रेम काया वी कोनी कि कुई आपणे मित्रा वास्ते आपणी जान ङिये।

जको लड़ी माये मां छै, ते ना फली तां विनु ब़ा बाढती नाखे, जको फले विनु छांगे ताकि सुथरी हो ते ज्यादा फल आणो।

माया आज्ञा हा छै कि जिंवे मैं तम्चे लारे प्रेम करला यूंही तम्ही हेके ङुजे लारे प्रेम करा।

माये ब़ा ची महिमा ऐचे लारे हुवे, कि तम्ही घणा सारा फल आणा, तब ही तम्ही माये चैले किहवावा।

“सच्‍ची अंगूरा ची बल्ह मैं छै, ते माया ब़ा जमींदार छै।

अगर कुई माये मां बणले ना रिही, तां वा लड़ी आलीकर भुकाती नाखली जाये ते सूखती जाये, ते लौक विनु चुणती कर, जाखते मां नाखती ङिये, ते वा ब़लती जाये।

“मैं ये बाता तम्हानु ऐवास्ते केहलीया कि माई खुशी तम्चे मां बणली रिहो ते तम्ची खुशी पुरी हुती जाओ।

अगर तम्ही माये आज्ञा नु मना तां माये प्रेम मां बणले रिहा, जिंवे कि मैं आपणे ब़ा चे आज्ञा नु मने ते ओचे प्रेम मां बणला रिहे।

मैं तम्हानु हा आदेश ङिये पला कि तम्ही हेके ङुजे लारे प्रेम राखा।

अगर तम्ही संसारा चे हुवा हा तां, संसार तम्चे लारे प्रेम करियो। पर ऐ वजह कनु कि तम्ही संसारा चे कोनी ते मैं तम्हानु संसारा महु चुणती गेले। ऐवास्ते संसार तम्चे लारे बैर राखे।