Popularne wersety biblijne z Yoane 3

Udostępnij

Nyo omuno Hollum aati daŋ hutta fau bebe, ette inyi isyo nya Lonyi honyi ol obotye, ojo al iruk’to jihonyi obeŋ adi oye, ati owon iko nesu on osyo fur.

Obeŋ Hollum ifahu Lonyi honyi ifau iŋocere erre wati, ati ifahu nya inyi jo oŋida laati italahunie tenyi.

Itarraŋ Yesu, ojo, Eramak ni iye ahode ahode jo, obeŋ adi obo atulo igonyu amaji ono Hollum al hobeŋi inyyahi isiuna inyi.

Al iruk’to jihonyi obeŋi adi oŋoti jihonyi aye ati jyo lya ol obeŋ’to iruk jihonyi aŋoti jihonyi beryen naye nyo obeŋ inyi iyihi ta afure Lonyi Hollum.

Ara ana aŋoco jo to ninya ottuniere afaŋan lifau omunoi nya laati nedumele agalik afaŋan nyo orrohoji nehanita hosi daŋ.

Oŋida afure Yesu okwat bebe bwo onoŋ omuta.

Lya al ihanio’to on orroho, oliwari inyi afaŋan bwo fe obeŋ inyi ottu ifaŋan ŋadi ehanita honyi oleye.

Al iruk’to jyo Lonyi owon iko nesu on osyo fur, ati alya ol omesyo’to inyi obeŋ adi igonyu nesu ati ijorya adi Hollum jihonyi fur.

Ihwa ninya akafaniere Mose to timore amunu ihitoi, ihwa ania akafi adi Lonyi tulo ahide

Omuno Monye Lonyi honyi bwo isyo ihani honyi erre daŋ.