Popularne wersety biblijne z Joni 10

Udostępnij

Sa sega ni lako mai na daubutako, a ya ga me butako, ka ravuravu, ka vakarusa: au sa lako mai me rawa na bula, ia me rawa vakalevu sara.

Oi au nai vakatawa vinaka: sa virino na nona bula nai vakatawa vinaka e na vukudra na sipi.

sa rogoca na noqu vosa ko ira na noqu sipi, ia kaʼu sa kilai ira, ka ra sa muri au

ia kaʼu sa solia vei ira na bula tawa mudu; ia era na sega sara ni rusa, se dua e kaliraki ira mai na ligaqu.

Oi au na katuba: kevaka sai au ga ena curu kina e dua na tamata, ena vakabulai, ka na daucuru mai ka daucuru yani, ka kune kakana.

Oi au nai vakatawa vinaka: ia kaʼu sa kilai ira sa noqu, ia ko ira sa noqu era sa kilai au

A Tamaqu, o koya sa soli ira vei au, sa uasivia na ka kecega: a sa sega e dua sa rawata me kaliraki ira mai na liga i Tamaqu. Keirau sa dua bauga kei Tamaqu.

me vaka sa kilai au ko Tamaqu, ia me vaka kaʼu sa kilai Tamaqu: kaʼu sa virino talega na noqu bula e na vukudra na sipi.

Sa sega e dua sa kovea o qo vei au, ia kaʼu sa virino vakai au ga. Au sa rawata me virino, ia kaʼu sa rawata me kauta tale. A vunau o qo sa solia mai vei au ko Tamaqu.

Sa qai kaya tale vei ira ko Jisu, E dina, e dina, au sa kaya vei kemudou, Oi au na nodra katuba na sipi.

Ia ko koya sa voli na nona cakacaka, ka sega ni koya nai vakatawa, a sa sega ni taukeni ira na sipi, sa raica na wolifa ni sa lako mai, a sa biuti ira na sipi ko koya, ka dro: a sa covi ira ko na wolifa, a sa vakatolosevi ira na sipi

E DINA, e dina, au sa kaya vei kemudou, O koya sa sega ni curu ki na katuba ni bai ni sipi, a sa kaba cake e na tikina tani, sa daubutako ka daukove ko koya o qo.