Popularne wersety biblijne z Marcos 11

Udostępnij

Ngani, ginahambae ko kinyo nga kon magpangamuyo kamo ag magpangayo it bisan ano, patihi gid it hugot nga mabaton ninyo ron nga matsa habaton eo't-a ninyo, ag mabaton gid matuod ninyo ron.

Matuod rang ginahambae kinyo nga kon nagasalig kamo sa Dyos, puydi ninyo nga suguon rayang bukid nga maghalin ag magsaylo sa dagat, ag kon owa kamo gaduda hay matabo gid ron. Bisan ano ro inyong ihambae hay matabo kon nagasalig kamo.

Pero kon magpangamuyo kamo, kon may eain kamo it buot sa inyong isigkatawo, patawara sanda agod patawaron man kamo ku inyong Ama sa eangit sa inyong mga saea.”

Nagsabat si Jesus, “Magsalig kamo sa Dyos.

Tapos, nagturo imaw sa mga tawo. Hambae nana, “Bukon abi it naghambae ro Dyos sa Sagrado nga Kasueatan nga ‘Ro akong baeay hay tawgon nga baeay nga paeangamuyuan ku tanan nga mga rasa it tawo?’ ” Pero inyo ra nga gin-obra nga paeanaguan it mga buyong!

Ro mga tawo nga nagauna kay Jesus ag ro mga nagasunod hay nagasilinggit. Sinanda, “Dayawon ta ro Dyos! Daeayawon raya nga ginpadaea iya it Ginuong Dyos!

Daeayawon rayang magahari pareho sa paghari kato anay ni Haring David! Dayawon ro Dyos sa pinakamataas nga kaeangitan!”