Popularne wersety biblijne z రోమా 1

Udostępnij

సువార్తనటేకె మే ష్యరమ్‍హువవాలొ కాహె కింకతొ విష్వాస్‍ హర్యేక్‍ జననా, అగాఢి యూదుల్‍దేఖ్‍ః, గ్రీసుదేఖ్‍ః వాలనబి బఛ్చాడనాటేకె యో దేవ్ని థాఖత్‍ హుయిన్‍‌ ఛా

సానకతో నీతిమంతుడ్‍ విష్వాస్‍నుబారెమా జివ్సేకరి లిక్కాయ్‍రాక్యుతిమ్‍ విష్వాస్‍నుబారేమా ఘను విష్వాస్‍హువతింమ్‍ దేవ్ని నీతి ఇనమా బయలు పరుచుబడుకురాస్‍.

ఆ ములక్‍ ఫైదయుతే కంతు, అనంతహుయుతే థాఖత్‍ దైవత్వమ్‍ కరి యో అద్రుష లక్చణం, కతో యో నిత్యథాఖాత్‍ దేవ్‍త్వమ్‍బి, ధర్తిను అగాఢితూ నిఖిన్‍ సృష్టంచిహుయూతె రాచునబి హాఃయల్‍కరమా తేటపరుచుకరస్‍ పన్కి ఇవ్నే నిరుత్తర్‍ హుయీన్‍ ఛా.

బుజు ఇవ్నే దేవ్నా మాలంకరీన్‍బి ఇనా దేవ్‍కరి మహిమపరచకొయినీ, కృతజ్ఞతస్తుతులుబి చెల్లించకొయినీ, పన్కి ఇవ్ను లఢాయమా వ్యర్దయుల్‍హుయూ ఇవ్నే అవివేకలు దిల్‍తి అంధారుహుయు

ఎజాత్నూ ఇవ్నే దేవ్ను హాఃచినా జూటింతర బద్లాయిన్‍ బుజు సృష్టికర్తన బదుల్‍ సృష్టంనా ప్రార్థనకరీన్‍ సేవించుతూ యోస్‍ యుగయుగల్నా స్తోత్రార్హుడుహుయిన్‍ ఛా ఆమెన్‍.

దుర్నితి హాఃచిన ఆఢు ఆవతె అద్మియేను సమస్తనా భక్తితపార్‍ దుర్నీతిపార్‍ దేవ్ని చంఢాల్‍ స్వర్గంతూ బయలుపరుచుబడుకురాస్‍

అనటేకే దేవ్నె ఇవ్నా కారబ్‍హుయుతె ఆహ్ః దరాయిదిదో. ఇవ్ని బాయ్‍కొ స్తెతం సహజ సంబంధనా మ్హెందీన్‍ అసహజహుయుతె సంబంధనా ఎంచిలిదా. ఇంమితరస్ మరద్మానోబి బాయ్‍కవ్‍ను సహజ ధర్మంనా బెందీన్‍, మరధ్‍మానోతి మరధ్‍మానొ నాకర్నూతె కర్తూహుయీన్‍, ఇవ్ను తప్పున కామ్‍నా తగినా ప్రతిపలం పోందిలిన్‍ ఏక్‍ప్పర్‍ ఏక్‍ మస్తివాలుహుయా. బుజు ఇవ్నే ఇవ్నూ దిల్‍మా దేవ్నా జొగొన దిదూకొయినీ. అనహఃజే కరకొయింతె కార్యాల్‍నా కరన దేవ్‍ భ్రష్ట్ దిల్నా ఇవ్నా దెవాడో.

ఇవ్ను అక్కల్‍వాల కరి బోలిదు పన్కి ఇవ్నే బుద్దిహీనుల్‍హుయూ, ఇవ్నే మఠిజాసెకొయినితిమ్‍ దేవ్ని మహిమన మట్టిజంకతె అద్మితీబి, జిన్వార్‍తిబీ, నాక్హనూజిన్వార్‍తీబి, కీడనుతీబి, హార్యేక్‍ రూపంమా బద్లయా