Popularne wersety biblijne z मति 5

Udostępnij

कुनहुँ फेनि दिवा बारके भडियासे नाहिँ झपतइ, बरु घरवा भितरा हखलहराह इजोर देखइ कहके उँच ठउरिमा धरतइ। वसने तोहारमा भेलि इजोरवा मन्‍सावानिक यागा चम्‍कइ, ताकि हुनुका तोहार करलि यसल काम देखइ हसे स्‍वरगमा रहलाहर तोहार पिताक महिमा करइ।

“तोहरा संसारक ज्‍योति हखह। पहडावामा बनावल सहर लोकाए नाहिँ सकतइ।

सुद्ध हृदय भेलहरवाह आसिस पाउल मन्‍सेसभ हखइ, केहकेकि हुनुका परमेस्‍वरके देखतइ।

धारमिकताक तहिँया भुखाइल हसे पियासल मन्‍सेसभ आसिस पाउल मन्‍सेसभ हखइ, केहकेकि हुनुका तृप्‍त हतइ।

बाकि मुइ तोहराके कहइ बडहिँ, यापन सतरुवानिके माया करिह हसे तोहराके सतोलहरानिक तहिँया परथाना करिह।

“आत्‍मिक रुपमा यपनेके गरिब सम्‍झलहरा आसिस पाउल मन्‍सेसभ हखइ, केहकेकि स्‍वरगक राज हुनुकर हखइ।

मेलमिलाप करोलहराह आसिस पाउल मन्‍सेसभ हखइ, केहकेकि हुनुका परमेस्‍वरक बेटा-बेटिसभ कहेतइ।

सोक करलहरा आसिस पाउल मन्‍सेसभ हखइ, केहकेकि हुनुका सान्‍त्‍वना पउतइ।

धारमिकताक तहिँया सतावट पउलहराह आसिस पाउल मन्‍सेसभ हखइ, केहकेकि स्‍वरगक राज हुनुकरे हखइ।

दाया करलहराह आसिस पाउल मन्‍सेसभ हखइ, केहकेकि हुनुका दाया पउतइ।

“जब मन्‍सावाह मोरके विस्‍वास करलेसे तोहराके दुःख देतइ, सतोतइ हसे तोहार विरोधमा जम्‍मे खलिक झुठा बात फदकतइ, तब तोहरा आसिस पाउल मन्‍सेसभ हखह। तखनहिँ तोहरा खुसि हसे आनन्‍दित हखिह, केहकेकि तोहार तहिँया स्‍वरगमा जबड इनाम धराइल बडइ। पहिलाक अगमवक्‍तावानिके फेनि मन्‍सावाह वसने सतोइ रहलइ।

नम्र मन्‍सावाह आसिस पाउल मन्‍सेसभ हखइ, केहकेकि हुनुका धरतियामा अधिकार करे पउतइ।

“तोहरा त धरतियाक नुन हखह, बाकि यगर नुनवाक सवादि जेतइ जउँ वकरेके कथिसे फेरि नुनाइ बनोबह त? जब नुनवा काम नाहिँ लगना हतइ, तब वकरेके बाहरा फकतइ हसे मन्‍सावाह टङवासे धङतइ।

उहेसे, जसने स्‍वरगमा रहलाहर तोहार पिता सिद्ध बडसि, तोहरा फेनि वसने सिद्ध हखे परतइ।”

तोहार बतवा ‘हँ’ कहले ‘हँ’ हखइ कि ‘हइने’ कहले ‘हइने’ हखइ, केहकेकि यकरसे बढता सइतनवावरसे हखइ।

“तोहरा यसके कहइकि सुनले बडह, ‘यखियाक बदला यखिया हसे दाँतक बदला दाँत।’ बाकि मुइ तोहराके कहइ बडहिँ, खराब मन्‍सेक विरोध झिन करिह। बाकि यगर कुनहुँ तोर दहिनि गलवामा थपरोबिय जउँ, तोर दोसरि गलवा फेनि डोगदेसि।

यगर तोर दहिनि यखिया तोरके पाप करे लगोबिय जउँ, वकरेके निकडाके फाँकदेसि। केहकेकि तोर जम्‍मे देहिया नरकमा फकइलिसे बरु तोर तहिँया देहियाक एगुडा यङ नाहिँ भेले डउल हतइ। यगर तोर दहिनि हथवा तोरके पाप करे लगोबिय जउँ, वकरेके काटके फाँकदेसि। केहकेकि तोर जम्‍मे देहिया नरकमा फकइलिसे बरु तोर तहिँया एगुडा हथवा नाहिँ भेले डउल हतइ।