Popularne wersety biblijne z Ruuka 9

Udostępnij

Kimwi, Yeesu ˆnaabhwira abhaanu bhoone kutyo ati, “Omuunu woonewoone akeenda okubha mwiyigira waani, asige okwiyenda omwene, eetwike omusarabha gwaye ku-nsiku, anseete.

Kwa okubha, omuunu woonewoone akeenda okuwonʼya obhurame bhwaye omwene, aribhubhusha. Na omuunu akabhusha obhurame bhwaye ku-nsonga yaani, uyo niwe ariwonʼya obhurame bhwaye.

Yeesu ˆnaamubhwira ati, “Omuunu woonewoone akaamba okurima kimwi ˆnaafutata okuringira iinyuma, uyo, ateesire okubha omukosi wa emirimu mu-bhukama bhwa Nyamuwanga.”

Angu, ogubha-wo muyeeroki omuunu akanyoora ebhiinu bhyone kutyo ebhya ku-kyaro kunu, akamara okubhinyoora ˆnaafwa?

Omuunu woonewoone unu arinyiswaririra anye, na ameeyigisho gaani, Omwana wa Adaamu woone arimwiswaririra, bhunu ariijira mu-bhugungyo bhwaye, na obhwa Esemwene na obhwa bhaamaraayika abhataakatiifu.

Yeesu woone ˆnaamusubhya ati, “Ebhibhwe bhiri na ginsenga na giinyonyi giri na amoosu, nawe Omwana wa Adaamu, atari na owa okumaamya omutwe gwaye.”

ˆnaabhabhwira ati, “Omuunu akaramira omwana omutooto rwa unu kw-isiina ryani, kaabha andamiiye anye. Na omuunu akandamira anye, kaabha aramiiye Nyamuwanga, unu antumire, kwa okubha, omutooto okukira bhoone kutyo, uyo niwe omukuru okukira bhoone kutyo.”