Popularne wersety biblijne z Yowana 17

Udostępnij

Ee Raata, enikusabha ubhakore bhabhe bhataakatiifu okuturira ku-kimari kyawo, kwa okubha riingʼana ryawo niryo ekimari.

Bhunu nibhwo obhurame bhunu bhutakuweera, ati abhaanu bhakumenye awe Nyamuwanga wa ekimari unu uri omwene era, bhamenye na Yeesu Kiriisitu, unu ꞉waatumire.

“Nitakusabhira bhayo era, tari enisabhira na bhanu bharinyiikirisha okuturira mu-kuraasha kwebhwe. Enibhasabhira ati bhabhe kiinu kimwi, rwa kutyo awe uri mu-mutima gwani, na kutyo anye niri mu-mutima gwawo, abheene bhoone bhabhe mu-mitima gyeswe, insonga abhaanu bha mu-kyaro bheekirishe ati ni awe ꞉waantumire.

“Ee Raata, nitakusabha ati ubhasooshe mu-kyaro munu, tari ubheerushe ku-mukayi Sitaani.

Obhugungyo bhunu ꞉waanaaye, noone naabhayaana, insonga bhabhe na obhumwi rwa kutyo anye na awe kiri. Anye niri mu-mitima gyebhwe, awe woone ubhe mu-mutima gwani, insonga bhabhe bhakuumiiye ku-bhumwi. Enisabha kutyo, insonga abhaanu bhoone kutyo abha mu-kyaro, bhamenye ati ni awe ꞉waantumire, na bhamenye ati wendere abhaanu bhanu, rwa kutyo unyendere anye.