Popularne wersety biblijne z Madeo 2

Udostępnij

Petro kawauza, “Riheni na kila mumoju wenyu abatizo kwa izina lya Jesu Kristo eri mufwilo waya kaung'a zenyu na mpate inosi lya Mlungu lya Roho wa Kuela.

Nawo wakatumia ngelo zawe kukufundisa kufuma kwa watumo, wekekala ngila mojori, wekevunja mkate na kulomba.

Nawo wose wakajulo ni Roho wa kuela na kudyowa kughora kwa viteto vizima selyi Roho awadimise kughora.

Nao shwa ng'ori, lukasikilika lwaka kufuma mlunguni; loluo sa mbeo mbwaa, lukaijuza nyumba yose wekalile kitembo. Nao wakaona nyumi sa nyumili za moto, zikasarikana na kumkalila kila mumoju wawe. Nawo wose wakajulo ni Roho wa kuela na kudyowa kughora kwa viteto vizima selyi Roho awadimise kughora.

Na kila ijua, weluo wekekughana ngila mojori Hekaluni; na kuvunja mkate nyumba kwawe, wekelya chakulya kwa kuboelo na kwa ngolo ya ishima. Wakamlika Mlungu, na wandu wose wakaboelanyo nawo. Na kila ijua Bwana kajuzila wandu awa weluo wekekila.

‘Kele majua gha kudua, aghamba Bwana, Nijetila Roho wangu kwa wandu wose. Wana wenyu wa kialume na wa kiwake wejetondola, watawana wenyu wejeona maono. Na waghosi wejelota maloteso.

Wose wedumuse wakaendelea kukala na umojori, wakatumia mali na vindu vawe ngaro. Kwa hung'u wakatagha mali na vindu vawe, na pesa wakasara kuirimana na selyi kila mumoju efweni apate.

Na aho ijekala uwo wose elombagha kwa izina lya Bwana ujekizo.’

Ijua lyijeghaluka kiza, na mwezi ghujekusuwa sa bighati, Hambiri ya kuja lyilya Ijua Ibwaa lya Bwana.