Popularne wersety biblijne z मर्कूस 6

Udostępnij

ओहले येशूगी खुङया़ला सुङ नाङसीन, “ओहराङ ग्‍या़ यिङबुच्‍यीला काहल्‍दी याहम्‍बीज्‍यी थाङ सोज्‍ये।” च्‍यिबेमाना ओ़हला मिह माहङबुराङ ओहङगे-डोएँ पेहको येहकें ओ़ह सोङबे खुङ फे़बेया़ला साहज्‍ये छ्ये-लुङ च्‍यिॱआङ माहयोहङ।

ओहले येशूगी खुङया़ला सुङ नाङसीन, “लुहङतेम्‍बाला थाम्‍ज्‍यीराङ ग्‍या़या़ला चा़ पेहकें, यिहॱनाङ राहङ युहलगी मिहया़गी राहङ ङ्येहवाया़ दाङ राहङदीराङ खाङबा मे़हमेया़गी माना चा़ मेहबेगे।”

ओहले येशू टुह-छ्युङले फाप नाङगेमु मिह मिह-माहङया़गी राहङला कू़हदी तेहक्‍यो ज़ी़दी येशूगी थु निङज्‍यीगी काहङदी ओहङसीन च्‍यिबेमाना खुङया़ ताहक्‍पु म़ेहबागी ल़ूहया़ ल़ेहमु येहकें। ओहले येशूगी खुङया़ला माहङबुराङ तामया़गी तेहन्‍दाला सुङ ख्‍येप्‍टा नाङज्‍ये छ़ूसीन।

ओ़ह सोङगोराङ येशूगी लाहला नेहपाया़गी थो़ला छ्या़ ज़्‍या़दी टा़ह च्‍य़ू नाङसीन ओ़ह म़ेदी ल्‍हाक्‍पु लेहमेन याहम्‍जेन छ्येवागी छ्या़लेया़ च्‍यिॱआङ जे माहनाङ। राहङ ग्‍या़गी मिहया़गी यिह मा़हछ्येबा ज़ी़दी येशू ह्‍अ ल़ेहसीन। येशू युहल युहलया़ला फेप्‍ती मिहया़ला सुङदेन नाङगेराङ फेप नाङसीन।

ओहले येशूगी खुरा ङा दाङ ङ्याह ङ्यी़ नोम्‍दी स्‍यिहङगाम ङो़ले ज़ी़दी किन्‍ज्‍योला थुज्‍यी-छ्ये़ फुल नाङसीन ओहले खुरा राल्‍दी स्‍याहप्‍च्‍यीया़ला के़हदी तेर्तोङ म़ेदी सुङ नाङसीन। ओ़ह ल़ेहमुराङ जेती येशूगी ओ़ह ङ्याह ङ्यी़ॱआङ के़हदी नाङसीन। ओहले मिह थाम्‍ज्‍यीगीराङ साह ख़ूएँ थु साहसीन। स्‍याहप्‍च्‍यीया़गी ल्‍हा़स्‍युलया़ तुहएँमु डा़लो च्‍यिङ्यी़ काहल्‍सीन।