Popularne wersety biblijne z A Kelekele 103

Udostępnij

A niog, un pirawalaua Ieova, koniku dumanuai a nuna maramari rap.

Kuma i unuai a num petakakai rap; I wakadelpa ui ko ra malapag rap ba i um ui; I wekulbat a num lalaun ko ra winirua; I wapārikta ui ma ra maramari, ma ra kokoina lig; I pet a maurupa ui ma ra kum wakwakak na lig; I pam a matakina a num baraman le ra ikeli.

A niog, un pirawalaua Ieova: ma ra lig rap i tana u ra balag, muat a pirawalaua a iana maramarek.

Lenkuma a Tamana i mari na tunalik, Len kai kuma Ieova i mari diat rap diat taram korom i.

Lenkuma a bual a make i irok pat uni i welwelik ut ko ra bual i lop uni, i kip igen a welwelik lenkuma ko dat a nudat petakakai.

Ieova a tenamaramari ma ra tenawewakua; Pa i kămkămiak kaka; A nuna maramari i buraburei.

Pa i petpeti korom dat welwelara ma ra nudat pet akakai; Ma pa i balui korom dat a nudat wabulbul. Lenkuma a maua i naunau ko ra wanua, I gala lenkuma a nuna maramari korom diat rap diat taram korom i.

Ieova i pam a pătpătuanpa a nuna kinkini na tadaru u ra maua; A nuna matanitu i nakakon u ra kum lig rap.