Popularne wersety biblijne z Luka 14

Udostępnij

hakuyila nindi, Muntu wukwinza kudami chakadi kuhela tata yindi, nimama yindi, niŋodindi, nianyanindi, nianakwindi, niahelindi, eŋa, hela wumi windi yomweni, hakutwesha kwikala kambanji kamuku.

Muntu wukubula kusenda kulusu yindi nakunlondelami, hakutwesha kwikala kambanji kamuku.

Muloŋa muntu wukuditohesha akamukehesha; nimuntu wukudikehesha akamutohesha.

Dichi nimwinenu wukubula kuleka yadiyi nayu yejima, hakutwesha kwikala kambanji kamuku.

Mwinenwinyi wukwila neyi wukukeŋa kutuŋa itala deneni, wukubula kusambila kushakama nakuchinda mali amudimowu, atali neyi wukweti mali akudimanisha nachu? Wamba kela wukwala kwachikuku hohu, kumanisha nehi, antu ejima akutalaku hiyakutachika kumuseha, nawu, Iwu muntu wakuminini dakutachika kutuŋa hohu, kumanisha nehi.

Neyi wukuteleka chawija cheyi, katambiki atuzweŋi, niayifwayi, niakwakubalakata, niamputamesu, kulonda wukooleki; muloŋa wena hiyakweti yakukuhiŋishilamuku, akakuhiŋishilamu hamba kasaŋuka akwakuloŋa.

Muŋwa wawuwahi; neyi muŋwa wuneli dehi wasamuka, akutwesha kuwutowesha cheŋi nanka? Hiwukukwasha nawa maseki hela wushuku, akuwunata tuhu. Yowu wukweti matu akutiya atiyi.