Popularne wersety biblijne z Neto'te 3

Udostępnij

Mènnzwi yen ndù tàm tù bwô nejù mba neyene, nta njoṅ, nke nga' nze zenu. Ndùlala, a lo' tàm se njù, mbèn mfà mba se ndu i z'a be mbaṅ i là, a jù.

Nyu na' mb'a ngazete netèt njoṅ nyàm tshwèt fa tse Tshùaben Nsi nabte là. A tshob mènnzwi ndù: A kua' nenùn ndù Nsi tshob bin mbe kà bin jù tàm njoṅ ntù fa mum nka' ké?

Me nsi yab nkembàn netèl o bin mènnzwi, netèt nzwil o bo ze nzwit. Nzwil i nsi ke nya' tu o, tu wul o, o ke nya' i, tshôg tun ku i.

Tshùaben Nsi tshob mènnzwi ze ndù: M'a' kwi'te tsho nge', nkwi'te tsho nge' ndùs'o be jùm nà; o nsi bwe bon à ntùm nge' yàme; ntshàmntù nsi ke lo' o nèn yi mbaṅ ndu o, tu wul i ke ntô o.

O nsi ke kwiaṅ ze'ni se o kà ghù ju z'o jù là, ndùlala tà nkum ndùs'o bèn njam mum tsha' là, nummb'a dù' ze bo lo' o bwe là. Tshù, o b'a mbabe, mbe ndù o nsi bèn tù' mbabe.

Tshùaben Nsi se' num mandum ntshob ndù: Mb'o ju' ntshu nzwi o, njù tàm tù se me na' ntshù' o yi là, ndon tshùa num tu o ntsho num tsha'a. O nsi ke sô yu ju neyôg yi bw'a ntùm nge' yàme, ndùlala num njoṅ lé'njù yôg so fa.

Tshùaben Nsi bètt'é ndù: We z'a soṅ o ndù o b'a tunntôg à? O jù tàm tù se me na' nto' o nejù là kà?

A ta' mènntùn, njab ba kérubim ntshu nka' Edèn boa nsansa ṅwi mbwôg tse bo ke nshùm nà, ndù bo ke mbéb manze z'a nèn nkum num tù yôg là.

Adam tsiaṅ nzwi i ndù Eva, nummb'a b'a mà njoṅ benntùn fa.