Popularne wersety biblijne z Luk 12

Udostępnij

Ḛ sḛ ma waɗme, ḛ kaa jejew, ago Van ge Ndu ne mbo mbo ya ge ler ge ḛ dwaɗ ge ne pagal to go.

Ḛ yin̰a vare zoo ne muluk pe, mbo hon ḛ kaŋ ge ḛ ɓyare num ma kon pagal.

Guwa̰, jan ɓase mbe ma go: Nà! Ḛ koy ta kwaɗa ge aham ge kaŋ seɗɗa ma way ma ta, ago, a be ge mo kaŋ seɗɗa ge gḛḛ ma ta ɗoo, wa ee mo mbo kaɗ ge ndwa to.

Ago sok ge ḛ kaŋ gan ma no ne go, ḛ dwaɗɗa ma mɔɗwag gaa sok mbe yà waɗme.

A huɗi ne ge ḛ buwal zì, sok iigi tene go ɗoo, wa seɗ vin̰a ge dol dwam ya koo ɗu ge dwam kàɗɗa ge Dok ho̰ na num ma pagal de?

Guwa̰ go, Zeso jan na nda ge ame hateya ma go: «A ge pe, mbi jan ḛ no go: Ne kaa ge ḛ iigi ta ge kaŋ ge mbiya ḛ zamma mage njoɗɗa pe ɗoo, ḛ wa mbo kaɗ ge ndwa to, koo ge ba̰a̰ ge ḛ laa ḛ pe pe to me.»

Koo susu ge no ḛ pagal digi ma, Dok kuwa kuwa go num go gyana ga de. Ḛ chiya voo to ɗaŋ! Ge Dok ta, ḛ waɗe njoole ban ge gḛḛ ceɗeɗ mbe ma waɗe.

Ḛ chiya voo to, ḛ ge no ge mojo̰o̰ vwag kaŋ kogor ge hoɗege guwa ma go, ago, ḛ Ba ndi kwaɗa go na gene ḛ muluk ge na ne zi yà.

Ḛ doo ḛ ndwa ge ga̰a̰ ma pagal ndilla gale: Àa zare kaŋ rusu to, àa syaɗ a̰me to me, num sok koy kaŋ koo hal to, ano peɗ puy, Dok ka wal num ba. Gyana ga ge ḛ waɗe njoole ma no go de!

Ḛ sḛ ma waɗme, ḛ iigi ta sok ɓyare kaŋ ge ḛ mà mbo zamma, koo kaŋ ge ḛ mà mbo njoɗɗa pe to me.

Kaɗɗa Dok nuusi buu ge don no ful zì ma siŋli mbe go, num ge nè kuwa num màno ma, kin̰are àa goole num kan ol zì, laa ḛ pe walay mà ndwa gyana ga de, nda ge hoɗ fareba hoɗege guwa ma?

Ago, kaŋ a̰me ge way no ge sego ma peɗ, nda mbo kuwa num. Kaŋ ge kee ɗimil zì ma, nda mbo kuwa num benna kɔn̰al.