Popularne wersety biblijne z Matiyò 10

Udostępnij

Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Tɔ̀ njɛnɛ ema a arza ò lì kòmbɛ̀ lòŋgɛ la eni, à ò lì wɔ̀lɛ̀nɛ̀, ndì tɔ̀ njɛnɛ hvɛ ema à wɔ̀lɛ̀nɛ̀ lòŋgɛ là eni ò lìnà la amì à ò lùwa lòŋgɛ là gbìndèyà.

È rzi òka tɔ̀ mòtò wa hwènàmà ema a tànɛyi lì òŋwa e nyàmà nyò wɔ̀ŋgɔ̀, ndi à rza tànɛyi lì òŋwa èlìŋgɛ̀. Ndi e òke Lohwɛ̀ wɔ̀ŋgɔ̀ ema a tànɛyi lì hvàŋga e nyò na èlìŋgɛ̀ ò tenì ya èhvɔ̀ndì ya mùnya.

Tɔ̀ njɛnɛ hvɛ ema a rza wòwɛ e mbarzà ya eni ò lì nò nɔ̀ŋgɔ, à rza uki ò lì hwɛ è mòòkòwèlì wa ami.

Tɔ̀ njɛnɛ ema a nò tɛ̀mèlì mbòŋgi ò màrzò ma hwatò hwa hwènàmà, imba hvɛ na mò tɛ̀meyà mbòŋgi ò wòrzò wa ama Tatɛ̀ wa ami ema a hwèlì ò ŋmanyu yà lohwà. Ndi tɔ̀ njɛnɛ ema a nò rzɔ̀rzi ò marzò ma hwatò hwa hwènàmà, imba hvɛ na mò rzɔ̀rzɔ̀ ò wòrzò wa ama Tatɛ̀ wà ami ema a hwèlì ò ŋmanyu yà lohwà.

È wɔ̀wìrzɛ̀ e wɔ̀ hwa nyàmbɛ, e hvùmùlɛ̀ hwaŋga ema hwa ma ŋwɛɛ. È wɔ̀wìrzɛ̀ hvɛ tɔ̀ hwaŋga hwatò ema hwa òhvi i nyàmbɛ ja mɛ̀lɔ̀ŋgɔ. È hvàye hvɛ hwèlìŋgɛ̀ hwe wòhwe ò tenì ja nyò ja hwatò. Nà ma e ŋgbà e ŋginyà ya lì gbeyà hwene hweyà hwe arzɛ na rza ijòwi tɔ̀ itàŋgi, ò èŋgànɛ̀lɛ̀ inyɔ hvɛ e ɛndɛ e gbèèye nanù mɛnɛ, e rzi ijòwa tɔ̀ itàŋgi.

O èŋgànɛ̀lɛ̀ rzɔ e rza òka tɔ̀ wɔ̀ŋgɔ̀ èhwanja inyɔ e hwɛni wòlìtò rzayi-rzayi ò ma Lohwɛ̀ lì akayi mèndiyɛ̀ndiyɛ.”

“È rzi wòteya lì lùtèyà ema na jàni ndi ɛ̀yɔ̀lɛ̀ ò rze. Jàyɛ̀, na rzi je ndi ò lì jànà ɛ̀yɔ̀lɛ̀, na jàni ndi kànjɛ-kànjɛ.